ពិតជារឿងមួយដ៏គួរឱ្យស្អប់ខ្ពើមជាខ្លាំង ដែលមានផេករបស់ប្រជាជនថៃម្នាក់ បានថតវីដេអូប្រើហិង្សាលើពលករខ្មែរ និង បានបង្ខំឱ្យនិយាយភាសាខ្មែរ ប្រាប់មកកម្ពុជាឱ្យបញ្ឈប់ការបាញ់បោះនៅជាយដែន និង ឱ្យដកទ័ពចេញ។
នៅក្នុងវីដេអូនេះ បានបង្ហាញឱ្យឃើញបុរសជាជនជាតិថៃម្នាក់ បាន និង កំពុងនៅហាងលក់គ្រឿងសមុទ្រមួយកន្លែង ដែលមានជនជាតិខ្មែរវ័យជំទង់ ២ នាក់ជាកម្មករ។ បុរសជនជាតិថៃរូបនេះ បានប្រើពាក្យសម្តីបង្ខំឱ្យជនជាតិខ្មែរនិយាយភាសាខ្មែរមកកាន់ទាហាននៅជាយដែន ដើម្បីឱ្យបញ្ឈប់ការបាញ់បោះ។ ក្នុងនោះ ពលករវ័យជំទង់ជាជនជាតិខ្មែរម្នាក់បាននិយាយទាំងមិនពេញចិត្ត និង ផិតភ័យ រួចបុរសរូបនេះក៏ទៅបង្ខំឱ្យជនជាតិខ្មែរម្នាក់ទៀតនិយាយដូចគ្នា តែមិនទាន់បាននិយាយផង រូបគេក៏បានទះកំផ្លៀងទៅលើគេមួយដៃតែម្តង។
យ៉ាងណាមិញ ទង្វើនេះចាត់ទុកថាជាទង្វើដ៏ថោកទាបបំផុត ដែលញុះញង់ឱ្យមានការស្អប់ និង ជាអំពើហិង្សាទៅលើជាតិសាសន៍ ដែលជនជាតិថៃកំពុងតែគាំទ្រគ្នាឱ្យធ្វើដោយងងឹតងងុលមិនយល់ពីអ្វីល្អ និង អ្វីអាក្រក់។ គួរឱ្យដឹងដែរថា ចំពោះវីដេអូដែលជនជាតិថៃបានប្រើហិង្សាលើពលករខ្មែរ ជាមួយការបង្ខិតបង្ខំនេះដែរ ក្រោយបង្ហោះបានប៉ុន្មាននាទី គេក៏ឃើញមានការលុបចេញវិញស្វែងរកលែងឃើញទៀតលើបណ្តាញសង្គមហ្វេសប៊ុក ប៉ុន្តែយ៉ាងណាយើងក៏ទទួលបានរូបភាពខ្លះៗពីសកម្មភាពដ៏ថោកទាបនេះផងដែរ៕
ប្រភព៖ Facebook
