ថ្មីៗនេះ តាមសារព័ត៌មានក្នុងស្រុករបស់ថៃបានឱ្យដឹងថា ប្រទេសហ្វីលីពីនបានផ្អាកការទិញនាំចូលអង្ករពីប្រទេសថៃចំនួន ៦០ ថ្ងៃ ហើយពេលនេះក្រសួងពាណិជកម្មថៃកំពុងតែរកដំណោះស្រាយ។
តាមព័ត៌មានបានឱ្យដឹងថា ប្រទេសហ្វីលីពីន បានសម្រេចចិត្តផ្អាកទិញអង្ករពីប្រទេសថៃចំនួន ៦០ ថ្ងៃ គឺចាប់ពីថ្ងៃទី ១ ខែកញ្ញា ខាងមុខនេះ រហូតដល់តែតុលា ឆ្នាំ ២០២៥។ ការផ្អាកទិញនេះ គឺដោយសារតែហ្វីលីពីនជិតឈានចូលរដូវច្រូតកាត់ ហើយតម្លៃស្រូវក្នុងស្រុកអាចធ្លាក់ចុះ ទើបចង់ជួយកសិករក្នុងស្រុក ដោយផ្អាកការនាំចូលអង្ករពីក្រៅប្រទេសសិន និង រង់ចាំឱ្យតម្លៃស្រូវក្នុងស្រុកឡើងថ្លៃ។
ដោយឡែក ខាងក្រសួងពាណិជ្ជកម្មរបស់ថៃកំពុងតែរកដំណោះស្រាយចំពោះបញ្ហានេះ ដោយពន្លឿនការចរចាពាណិជ្ជកម្មរវាងរដ្ឋាភិបាល និង រដ្ឋាភិបាលជាមួយចិន និង ព្យាយាមពង្រីកផ្សារថ្មីទៅកាន់ប្រទេសបង់ក្លាដែស អារ៉ាប៊ីសាអូឌីត អ៊ីរ៉ាក់ ព្រមទាំងធ្វើពិព័រណ៍ពាណិជ្ជកម្មនៅប្រទេសជប៉ុន ក៏ដូចជារៀបចំសិក្ខាសាលាដើម្បីជូនដំណឹងដល់កសិកររបស់ខ្លួនអំពីនិន្នាការទីផ្សារពិភពលោក៕
ប្រភព៖ TNN
