នៅថ្ងៃទី ១៥ ខែកក្កដា ឆ្នាំ ២០២៥ នេះ មានហេតុការណ៍ចលាចលមួយទៀតហើយ ដែលបានកើតឡើងនៅតំបន់ព្រំដែនថៃ ម៉ាឡេស៊ី ដោយការលួចបំផ្ទុះគ្រាប់បែក បណ្តាលឱ្យមន្រ្តីប៉ូលិសចំនួន ៤ នាក់បានរងរបួស។
តាមព័ត៌មានបានឱ្យដឹងថា ហេតុការណ៍បានកើតឡើងនៅ ភូមិ Ban Nam Hom ឃុំ Dusong Nyo ស្រុក Chanae ខេត្ត Narathiwat។ ក្នុងនោះ មន្ត្រីនគរបាលមកពីអង្គភាព ពិសេស ៤១ ចំនួន ៤ នាក់ ដែលកំពុងធ្វើបេសកកម្ម បានរងរបួស ដោយម្នាក់ៗមានអាការៈ ហ៊ឹងត្រចៀក តឹងទ្រូង និង អ្នកខ្លះមានរបួសនៅក្បាល។
យ៉ាងណាមិញ អាជ្ញាធរពាក់ព័ន្ធ បានចុះទៅពិនិត្យនៅកន្លែងកើតហេតុ ហើយបានព្យាយាមដោះយកវត្ថុផ្ទុះដែលនៅសេសសល់ទុកជាភស្តុតាង ដើម្បីធ្វើការពិគ្រោះហេតុការណ៍ទៅមុខទៀតផងដែរ៕
ប្រភព៖ Khaosod
