ថៃ ប្រកាសផ្តាច់អគ្គិសនី ទឹក អ៊ីនធឺណេត និង សាំងតាមព្រុំដែនមីយ៉ាន់ម៉ា ដើម្បីទប់ទល់នឹងក្រុមឆបោ.កអនឡាញ

កាលពីថ្ងៃទី ៤ ខែកុម្ភៈ ឆ្នាំ ២០២៥ កន្លងទៅ ប្រទេសថៃបានប្រកាសផ្តាច់អគ្គិសនីនៅតាមព្រុំដែនថៃ-មីយ៉ាន់ម៉ា ដើម្បីទប់ទល់ជាមួយនឹងក្រុមឆបោកអនឡាញ ដែលកំពុងធ្វើសកម្មភាពនៅទីនោះ។

ការសម្រេចផ្តាច់អគ្គិសនីនេះ ត្រូវប្រកាសឡើងក្រោយពីមានការប្រជុំរវាងក្រុមប្រឹក្សាសន្តិសុខជាតិរបស់ថៃ ជាមួយនឹងរដ្ឋមន្រ្តីក្រសួងមហាផ្ទៃ ព្រមទាំងមន្រ្តីពាក់ព័ន្ធទៀតជាច្រើន ដោយគេបានរកឃើញថា ក្រុមឆបោកអនឡាញនោះ បានតប្រើប្រាស់អគ្គិសនីចេញពីប្រទេសថៃទៅ ដើម្បីធ្វើសកម្មភាពឆបោករបស់ពួកគេ។​

ក្នុងនោះ អាជ្ញាធរបានប្រកាសផ្តាច់អគ្គិសនី ទឹក អ៊ីនធឺណេត និង សាំង ក្នុងតំបន់សំខាន់ៗចំនួន ៥ នៅតាមព្រុំដែនថៃ-មីយ៉ាន់ម៉ា ដូចជា Ban Phra Chedi Sam Ong – Muang Phaya Tong Su រដ្ឋ Mon, Ban Muang Daeng – Muang Tachileik រដ្ឋ Shan, Ban Huai Muang – Muang Myawaddy, Thai-Myanmar Friendship Bridge – Tachilek Town, និង Thai-Myanmar Friendship Bridge 2 – Myawaddy Town ដោយចាប់ផ្តើមតាំងពីថ្ងៃទី ៥ ខែកុម្ភៈ កន្លងទៅនេះ។

យ៉ាងណាមិញ ក្នុងការផ្តាច់អគ្គិសនីនេះ បានធ្វើឱ្យប្រជាជននៅតាមព្រុំដែនមានការព្រួញបារម្ភជាខ្លាំង ព្រោះបង្កឱ្យមានការប៉ះពាល់ដល់ការរស់នៅប្រចាំថ្ងៃរបស់ពួកគេ៕