ថៃ ប្រកាសប្រាប់ពលរដ្ឋឱ្យប្រុងជើងព្រួលទុកមុន ខណៈ ២ ថ្ងៃទៀត នឹងបើកទំនប់ទន្លេចៅផ្រះយ៉ា ដែលធ្វើឱ្យខេត្តមួយចំនួនអាចប្រទះនឹងទឹកជំនន់

ថ្មីៗនេះ នាយកដ្ឋានធារាសាស្ត្ររបស់ថៃ បានប្រកាសព្រមានឱ្យប្រជាជនមានការប្រុងប្រយ័ត្ន ព្រោះទំនប់ទន្លេចៅផ្រះយ៉ានឹងត្រូវបើកឆាប់ៗនេះ ដើម្បីរំដោះទឹកជំនន់ដែលបានជន់លិចប្រទេសប៉ុន្មានថ្ងៃនេះចេញ។

ក្នុងនោះ នាយកដ្ឋានធារាសាស្ត្ររបស់ថៃបានឱ្យដឹងថា ទំនប់ទន្លេចៅផ្រះយ៉ា នឹងត្រូវបើកចាប់ពីថ្ងៃទី ២១ ខែសីហា ឆ្នាំ ២០២៥ ខាងមុខនេះ ហើយកម្លាំងទឹកដែលនឹងចេញទៅ នឹងកើនឡើងពី ១ ២០០ ដល់ ១៥០០ ម៉ែត្រគូបក្នុងមួយវិនាទី។ ការបើកទំនប់នេះ គឺដោយសារតែភ្លៀងធ្លាក់ខ្លាំងជាបន្តបន្ទាប់ កាលពីថ្ងៃទី ១៥ ដល់ ១៧  ខែសីហា ឆ្នាំ ២០២៥ កន្លងទៅ ដែលបណ្តាលឱ្យទឹកហូរចូលទន្លេចៅផ្រះយ៉ាយ៉ាងគំហុក។

ដូចនេះហើយ តំបន់ទំនាបតាមដងទន្លេចៅផ្រះយ៉ា ចាប់ពីខេត្តឆៃណាតហូតដល់ខេត្តអយុធ្យា និងខេត្តក្បែរនោះ អាចជួបប្រទះនឹងទឹកជំនន់ ដែលអាចប៉ះពាល់ដល់តំបន់កសិកម្ម និងផ្ទះសម្បែងដែលនៅជាប់មាត់ទន្លេ។ នាយកដ្ឋាន បានណែនាំឱ្យប្រជាជនមានការប្រុងប្រយ័ត្ន ត្រូវត្រៀមខ្លួនឱ្យបានរួចរាល់ និង តាមដាន​សេចក្តី​ប្រកាស​ពីនាយកដ្ឋានឱ្យបានដិតដល់៕

ប្រភព៖ Khaosod