ក្រោយពីមានករណីអតីតទាហានព្រៃជនជាតិថៃម្នាក់ បានលួចវាយទាហានខ្មែរដែលឈរនៅប្រាសាទតាមាន់ធំ កាលពីថ្ងៃទី ១៣ ខែកក្កដា ឆ្នាំ ២០២៥ កន្លងទៅ ពេលនេះស្ថានភាពទំនាក់ទំនងរវាងប្រទេសទាំងពីរកាន់តែតានតឹងថែមមួយកម្រិតទៀត។
ក្នុងនោះដែរ លោកឧបនាយករដ្ឋមន្រ្តី ហ៊ុន ម៉ានី បានបង្ហោះសារជាភាសាអង់គ្លេស ដោយបានចាត់ទុកសកម្មភាពនេះថាជាទង្វើកំសាក និង ញុះញង់ ដែលមានបំណងបង្កឱ្យស្ថានការណ៍កាន់តែតានតឹង។ លោកឧបនាយករដ្ឋមន្រ្តីក៏បានអំពាវឱ្យប្រជាជនកម្ពុជា រួមគ្នាជាមួយនឹងថ្នាក់ដឹកនាំ ក្នុងការឃ្លាំមើល និង វិនិច្ឆ័យសកម្មភាពនេះតទៅទៀតដោយភាពអត់ធ្មត់។
ដោយឡែក ក្រោយពីឃើញលោកឧបនាយករដ្ឋមន្រ្តី ហ៊ុន ម៉ានី បានបង្ហោះសារជាភាសាអង់គ្លេសបែបនេះ ភាគីខាងថៃមួយចំនួនបានកើតការមិនពេញចិត្ត ហើយចោទថាកម្ពុជាឆ្លៀតឱកាសប្តឹងទៅកាន់ពិភពលោក ចោទថាថៃជាអ្នកញុះញង់បង្កឱ្យមានការតានតឹង ទាំងដែលការពិតភាគីខាងថៃខ្លួនឯងជាអ្នកបង្ករឿងមុន ហើយថៃខ្លួនឯងថែមទាំងមានមោទកភាព និង គាំទ្រចំពោះទង្វើជនដៃដល់យ៉ាងពេញទំហឹងទៀត៕
ប្រភព៖ Mgronline
