ត្រៀមផ្ទេរមកុដអន្តរជាតិ! លី មួយលាង បង្ហាញខ្លួនយ៉ាងលេចធ្លោ និង មានកិត្តិយសខ្លាំងក្នុងនាមជា Queen នៃកម្មវិធីប្រកួតនៅឥណ្ឌា

រយៈពេលជាង ១ ឆ្នាំហើយ ដែលបរវកញ្ញាវ័យក្មេង លី មួយលាង Miss Teen International Cambodia 2023 បានប្រកួតឈ្នះមកុដកម្មវិធីអន្តរជាតិ Miss Teen International 2024 នៅឯប្រទេសឥណ្ឌាពេញដោយមោទកភាពសម្រាប់កម្ពុជា កាលពីអំឡុងខែកក្កដា ឆ្នាំ ២០២៤ កន្លងទៅ។

ក្រោយក្លាយជាម្ចាស់មកុដអន្តរជាតិ Miss Teen International 2024 ជាង ១ ឆ្នាំមកនេះ លី មួយលាង បានបំពេញតួនាទីយ៉ាងសកម្ម និង សាងស្នាដៃជួយលើកមុខមាត់ប្រទេសកម្ពុជាជាច្រើន ដែលនាងបានក្លាយជាបវរកញ្ញាវ័យក្មេងដ៏មានសក្កានុពលទទួលបានការគាំទ្រពីមហាជនទាំងក្នុង និង ក្រៅប្រទេស។

យ៉ាងណាមិញ ថ្មីៗនេះ ខណៈឈានដល់វេលាដែលបវរកញ្ញាវ័យក្មេង លី មួយលាង ត្រូវផ្ទេរមកុដអន្តរជាតិ Miss Teen International 2024 ក៏បានឃើញនាងធ្វើដំណើរទៅកាន់ប្រទេសឥណ្ឌាក្នុងនាមជា Queen ឆ្នាំ ២០២៤ ចូលរួមកម្មវិធីប្រកួតជ្រើសរើសបវរកញ្ញាម្ចាស់មកុដថ្មីនៃ Miss Teen International 2025។

ក្នុងការចូលរួមក្នុងកម្មវិធី Miss Teen International 2025 និង ត្រៀមផ្ទេរមកុដនេះដែរ លី មួយលាង បានបង្ហាញវត្តមានយ៉ាងលេចធ្លោក្នុងចំណោមបេក្ខភាព Miss Teen ឆ្នាំ ២០២៥ មកពីបណ្ដាប្រទេសជុំវិញពិភពលោក ពេញដោយក្ដីគោរពស្រឡាញ់ និង មានកិត្តិយសខ្លាំងក្នុងនាមជាម្ចាស់មកុដឆ្នាំចាស់៕