អ្នកគាំទ្រក្រុមតារាចម្រៀង K-Pop ល្បីល្បាញរបស់ប្រទេសកូរ៉េខាងត្បូង 2NE1 ច្បាស់ជាបានជ្រាបមកហើយពីការវិលត្រឡប់ជាក្រុមជាថ្មីរបស់សមាជិកទាំង ៤ បន្ទាប់ពីរំសាយក្រុមអស់រយៈពេលជាច្រើនឆ្នាំ។
ក្នុងការវិលត្រឡប់នេះដែរ 2NE1 បានបង្ហាញវត្តមានក្នុងការប្រគំតន្ត្រីទេសចរ តាមបណ្តាប្រទេសមួយចំនួនរួចហើយដែរ។
យ៉ាងណាមិញ អ្វីដែលកាន់តែរំភើបសម្រាប់អ្នកគាំទ្រកម្ពុជានោះ នៅថ្ងៃទី ០៥ ខែកក្កដា ឆ្នាំ ២០២៥ ខាងមុខនេះ ក្រុមចម្រៀង K-Pop ដ៏ល្បីខាងលើនេះ នឹងមានវត្តមានក្នុងការសម្តែងនៅក្នុងប្រទេសកម្ពុជាហើយ ដោយនេះ គឺជាការរង់ចាំអស់រយៈពេលជាច្រើនឆ្នាំរបស់អ្នកគាំទ្រកម្ពុជា។
គួរជម្រាបថា 2NE1 នឹងមកសម្តែងការប្រគំតន្ត្រី GANZBERG SUPER IDOL- I AM THE BEST នៅថ្ងៃទី ០៥ ខែកក្កដា ឆ្នាំ ២០២៥ នៅឯមុខមហោស្រពកោះពេជ្យ៕
