ស្របពេលការប្រកួតបវរកញ្ញាជាច្រើនបានបញ្ចប់ និង រកឃើញម្ចាស់មកុដ ដើម្បីត្រៀមទៅប្រកួតលើឆាកអន្តរជាតិនោះ ក្រឡេកមកមើលកម្មវិធីបុរសឯកឯណោះវិញ ក៏ត្រៀមបេក្ខភាពទៅប្រកួតតំណាងឱ្យប្រទេសកម្ពុជាលើឆាកអន្តរជាតិដែរ ពោលគឺ កម្មវិធី Mister Cosmo International 2025 នឹងរៀបចំនៅ កូឡុំប៊ី។
ក្នុងនោះ បុរសឯក ដែលនឹងត្រូវទៅប្រកួតតំណាងឱ្យកម្ពុជានោះ គឺ លោក ថាច ខេមម៉ារ៉ា Top 10 Mister Supranational 2025 ជាកូនខ្មែរកម្ពុជាក្រោមពី ខេត្តត្រាវិញ ដែលលោកទទួលបានតំណែង Mister Cosmo Cambodia 2025 ក្នុងការប្រកួតខាងមុខ។ ក្នុងការទទួលតំណែង និង តំណាងឱ្យកម្ពុជាលើកនេះដែរ មហាជនអ្នកគាំទ្រមានការជឿជាក់យ៉ាងខ្លាំងសម្រាប់លោក ថាច ខេមម៉ារ៉ា ខណៈលោក គឺជាបុរសឯកមួយរូប ដែលធ្លាប់ដណ្តើមបានជ័យលាភីលើឆាកអន្តរជាតិម្តងរួចហើយដែរ។
គួរជម្រាបថា លោក ថាច ខេមម៉ារ៉ា មិនត្រឹមតែ Top 10 Mister Supranational 2025 និង Mister Cosmo Cambodia 2025 នោះ លោក ថាច ខេមម៉ារ៉ា ក៏ជាបុរសឯកនៅឯប្រទេសវៀតណាមម្ចាស់ជ័យលាភី «Mister Global Việt Nam 2022», «Top 15 Mister Global 2022» និង ជា «Top10 Mister Việt Nam 2024» ផងដែរ៕
