បើគិតត្រឹមថ្ងៃទី ២០ ខែសីហា ឆ្នាំ ២០២៥ នេះ គឺរយៈពេល ២២ ថ្ងៃ ហើយ ដែលកងកម្លាំងកម្ពុជាត្រូវបានទាហានថៃចាប់ខ្លួនដោយខុសច្បាប់ មិនទាន់ដោះលែងឱ្យត្រលប់មកមាតុភូមិវិញ ក្រោយបទឈប់បាញ់ចូលជាធរមានភ្លាមៗកាលពីព្រឹកថ្ងៃទី ២៩ ខែកក្កដា ឆ្នាំ ២០២៥។
ក្នុងនោះដែរ ប្រជាជនកម្ពុជាទាំងក្នុង និង ក្រៅប្រទេស បាន និង កំពុងបន្តការបញ្ចេញសំឡេងទាមទារឱ្យមានការដោះលែងទាហានខ្មែរទាំង ១៨ នាក់ តាមរយៈរូបភាពនានា មិនថាតែជាសារ ឬ ជាវីដេអូនោះឡើយ។
ជាក់ស្តែង ក្រឡេកទៅមើលវិស័យសិល្បៈក៏ដូចគ្នាដែរ មានសិល្បករ សិល្បការិនីជាច្រើន បានបង្ហាញពីភាពឈឺចាប់ និង ស្វែងរកយុត្តិធម៌ឱ្យកម្ពុជាតាមរយៈសកម្មភាពរបស់ពួកគេ ដោយក្នុងនោះ ក្រឡេកទៅមើលតារាស្រី នី មុន្នីនាថ ក៏បានប្រកាសការរៀបចំក្បួនដង្ហែនៅទឹកដីខេត្តសៀមរាបទាមទារឱ្យថៃដោះលែង វីរកងទ័ពកម្ពុជាទាំង ១៨ នាក់ត្រលប់មកវិញផងដែរ។
ក្នុងនោះដែរ ក្បួនដង្ហែទាមទារឱ្យថៃដោះលែង វីរកងទ័ពកម្ពុជាទាំង ១៨ នាក់ នឹងរៀបចំនៅខាងមុខព្រះរាជដំណាក់ ខេត្តសៀមរាប ចាប់ពីវេលាម៉ោង ២ រសៀល ដល់ម៉ោង ៥ ល្ងាច៕
