តួអង្គប្រុសស្រី ៣ រូប ក្នុងរឿង «ភ្លើងឆេះក្លឹបក្រោមដី» សុទ្ធតែមានតំណែងជាបវរកញ្ញា និង បុរសឯក តែសមត្ថភាពសម្ដែងសមខ្លាំង

មហាជនអ្នកគាំទ្រដែលបានទស្សនាភាពយន្តខ្នាតធំខ្មែររឿង «ភ្លើងឆេះក្លឹបក្រោមដី» ច្បាស់ជាកំពុងចាប់អារម្មណ៍ និង សរសើរខ្លាំងហើយទាំងសាច់រឿង និង ស្នាដៃសម្ដែងរបស់តួអង្គនីមួយៗក្នុងសាច់រឿងដ៏ល្បីនេះ ដែលមានទេពកោសល្យសម្ដែងប៉ិនប្រសប់សមខ្លាំង។

យ៉ាងណាមិញ ក្រៅពីចាប់អារម្មណ៍សរសើរពីសមត្ថភាព និង ទេពកោសល្យសម្ដែងបានល្អ ឃើញថាតួអង្គសម្ដែងនីមួយៗក្នុងភាពយន្តខ្នាតធំនេះ បើក្រឡេកមើលរូបសម្រស់ខាងក្រៅវិញ ក៏មានរូបសម្បត្តិស្រស់ស្អាតស្រស់សង្ហាមិនធម្មតាដែរ។

ក្នុងនោះ បើចាប់អារម្មណ៍ចំពោះតួអង្គសំខាន់ៗ ៣ រូបក្នុងសាច់រឿងនេះ គឺតួប្រុស សំណាង, តួអង្គស្រីគូដណ្ដឹងរបស់ សំណាង និង តួអង្គ ពិសី ត្រូវបានគេស្គាល់ថាសុទ្ធសឹងតែជាប្រុសសង្ហាស្រីស្អាតមានតំណែងក្នុងវិស័យបវរកញ្ញា និង បុរសឯកទៀតផង។

១. តួអង្គ សំណាង មានឈ្មោះពិតថា ប៊ុន ខេវិន មានតំណែងជាជ័យលាភីលំដាប់រងទី ៣ នៃកម្មវិធី Mister Friendship Cambodia 2023

ឮ

២. តួអង្គស្រីគូដណ្ដឹងរបស់តួប្រុស សំណាង មានឈ្មោះថា គុណ កន្និកា ដែលជាម្ចាស់ជ័យលាភីគ្រងមកុដបវរកញ្ញាយុវតី Miss Teen Icon Cambodia 2024

៣. តួអង្គពិសី ដែលត្រូវព្រាយចូលសណ្ឋិត មានឈ្មោះថា ជា សោភា ក៏ជាជ័យលាភីលំដាប់រងទី ១ នៃធីតាឯកសង្រ្កានរដូវកាលទី ៣ ផងដែរ៕