ស្របពេលកម្មវិធីប្រកួតបវរកញ្ញាទាំងក្នុង និង ក្រៅប្រទេសកំពុងតែទទួលបានការចាប់អារម្មណ៍ខ្លាំងនោះ អ្នកគាំទ្រកម្ពុជាពេលនេះ ក៏កំពុងតែតាមដាននូវសកម្មភាពរបស់បវរកញ្ញាវ័យក្មេងវ័យ ៨ ឆ្នាំ Hamelet Vanessa ម្ចាស់មកុដ World Junior Tourism Ambassador 2025 ដែលកំពុងតែតំណាងកម្ពុជាប្រកួតលើឆាកអន្តរជាតិ។
ជាក់ស្តែង ពេលនេះ បវរកញ្ញាតូចច្រឡឹង Hamelet Vanessa កំពុងចូលរួមប្រកួតលើឆាកអន្តរជាតិ World Junior Tourism Ambassador 2025 នៅប្រទេសម៉ាឡេស៊ី យ៉ាងជឿជាក់ ក្នុងនាមជាកុមារីកម្ពុជា ដែលមានវ័យក្មេងបំផុត។
ការបង្ហាញខ្លួន និង ចូលរួមសកម្មភាពប្រកួតនានារបស់កុមារី Hamelet Vanessa បានធ្វើឱ្យអ្នកគាំទ្រកម្ពុជា មានមោទកភាពយ៉ាងខ្លាំង ខណៈបវរកញ្ញាកូនកាត់ខ្មែរបារាំងរូបនេះ ធ្វើបានយ៉ាងល្អទាំងការរៀបចំខ្លួន ការស្លៀកពាក់ពីមួយឈុតទៅមួយឈុត គឺល្អឥតខ្ចោះ។ លើសពីនោះ បើនិយាយពីការបង្ហាញខ្លួនពីមួយវគ្គទៅមួយវគ្គ កុមារី Hamelet Vanessa ពិតជាធ្វើបានល្អខ្លាំង។
ក្នុងនោះដែរ ក្រោយឃើញការបង្ហាញខ្លួនក្នុងការប្រកួតលើឆាកអន្តរជាតិ World Junior Tourism Ambassador 2025 នៅប្រទេសម៉ាឡេស៊ីរបស់បវរកញ្ញាវ័យក្មេងនេះ អ្នកគាំទ្រក៏រំពឹងខ្ពស់ដូចគ្នាដែរ ថា Hamelet Vanessa នឹងអាចចូល Top ទៀតផង៕
