កាលពីថ្ងៃទី ១២ ខែសីហា ឆ្នាំ ២០២៥ កន្លងទៅនេះ មានព័ត៌មានបានរាយការណ៍ថា តុលាការកំពូលរបស់ប្រទេសឥណ្ឌា បានចេញដីកាឱ្យចាប់ឆ្កែអនាថាជាងរាប់សែនក្បាលចេញពីក្រុងញូវដេលី ព្រោះតែឆ្កែទាំងនោះដេញខាំប្រជាជន បង្កឱ្យកើតជំងឺឆ្កែឆ្កួតជាច្រើនគួរឱ្យបារម្ភ។
តាមរយៈជំរឿនបសុសត្វក្នុងឆ្នាំ ២០១២ ប្រទេសឥណ្ឌាមានសត្វឆ្កែអនាថាប្រមាណជាង ៦ ម៉ឺនក្បាលរស់នៅក្នុងក្រុងញូវដេលី ហើយអង្គការសុខភាពពិភពលោក (WHO) បានបញ្ជាក់ថា ប្រទេសឥណ្ឌាមានចំនួនអ្នកស្លាប់ដោយសារជំងឺឆ្កែឆ្កួតច្រើនជាងគេក្នុងពិភពលោក ហើយវិបត្តិនេះកាន់តែធ្ងន់ធ្ងរ ព្រោះតែគ្មានការក្រៀវ ឬកំណត់ច្បាប់ឱ្យច្បាស់លាស់ក្នុងការចាត់ចែងសត្វឆ្កែអនាថាទាំងនោះ។
ដូចនេះហើយ ទើបតុលាការកំពូលរបស់ប្រទេសឥណ្ឌាឱ្យបង្កើតជម្រកសត្វឆ្កែអនាថានៅក្នុងទីក្រុងញូវដេលី ហើយចាប់សត្វឆ្កែទាំងអស់ទៅដាក់ទីនោះ ដោយត្រូវមានកំណត់ត្រាប្រចាំថ្ងៃនៃចាប់ខ្លួនពួកវា ហើយជនណាដែលហ៊ានរារាំងសកម្មភាពនេះ ក៏នឹងត្រូវមានទោស។
គួរឱ្យដឹងដែរថា ក្នុងឆ្នាំ ២០២៤ កន្លងទៅ ប្រទេសឥណ្ឌាមានករណីប្រជាជនត្រូវឆ្កែខាំជាង ៣.៧ លានករណី និង មានអ្នកស្លាប់ចំនួន ៥៤ នាក់ ជាពិសេស គឺក្រុងញូវដេលីមានករណីឆ្កែខាំរហូតដល់ ២០០០ ករណីឯណោះក្នុងមួយថ្ងៃ៕
ប្រភព៖ Khaosod
