ថ្មីៗនេះ Nawat itsaragrisil ដែលជាស្ថាបនិក MGI បានកំពុងមានការចម្រូងចម្រាសយ៉ាងខ្លាំងជាមួយអតីតម្ចាស់មកុដ Miss Grand International ឆ្នាំ ២០២៤ នាង Rachel Gupta ក្រោយពីនាងបានលាលែងពីតំណែង និង ទម្លាយរឿងមិនគប្បីជាច្រើនដែលស្ថាប័នបានធ្វើមកលើនាង។
យ៉ាងណាមិញ កាលពីថ្ងៃទី ៣ ខែឧសភា ឆ្នាំ ២០២៥ កន្លងទៅនេះ Nawat បានធ្វើពិធីប្រគល់មកុដឱ្យទៅឱ្យ Christine Juliane Opiaza ដែលជាលំដាប់រងទីមួយក្នុងការប្រកួត Miss Grand International ឆ្នាំ ២០២៤ ជំនួសនាង Rachel វិញ ហើយអ្វីដែលគួរឱ្យហួសចិត្តនោះ Nawat បានឆ្លៀតនិយាយហែកកេរ្តិ៍ Rachel ទៅកាន់អ្នកកាសែតដែលតម្រៀបគ្នាត្រៀបត្រាថា Rachel មានក្លិនក្លៀកសម្បើមណាស់ បើមិនជឿអាចសួរជាងផាត់មុខ និង ជាងសក់បាន។ Nawat បានបន្ថែមថា ខ្លួនមិនបានមើលងាយនាងទេ តែក៏ធ្លាប់ប្រាប់នាងជារឿយៗ ឱ្យមើលថែខ្លួនឯងចំពោះរឿងនេះដែរ។
ដោយឡែក ក្រោយពីបានឮហើយ មហាជនជាច្រើនពិតជាហួសចិត្តជាមួយអត្តចរិតរបស់ Nawat ណាស់ មិននឹកស្មានថា ហ៊ានយករឿងបែបនេះមកហែកកេរ្តិ៍ប្រាប់អ្នកកាសែតក្តែងៗ ដោយមិនគិតពីមុខមាត់ និង កិត្តិយសរបស់ Rachel ដែលធ្លាប់ធ្វើការជាមួយខ្លួនទាល់តែសោះ៕
សូមចុចទីនេះដើម្បីទស្សនាវីដេអូ៖
