សារព័ត៌មានបរទេសបានឱ្យដឹងថា នាង Bonnie Blue ដែលបានបំបែកកំណត់ត្រារួមភេទជាមួយនឹងបុរសជាង ១ ពាន់នាក់ ក្នុងរយៈពេលត្រឹម ១២ ម៉ោង ត្រូវបានខាង Onlyfans បញ្ឈប់ចេញពីវេបសាយហើយ ព្រោះតែរងការរិះគន់ខ្លាំងពេក។
តាមព័ត៌មានបានឱ្យដឹងថា Bonnie Blue ប្រកាសឱ្យដឹងថា នាងបានបំបែកកំណត់ត្រាថ្មី ដោយបានរួមភេទជាមួយនឹងបុរសចំនួន ១០៥៧ នាក់ ក្នុងរយៈពេល ១២ ម៉ោង។ ការប្រកាសរបស់នាងបានបង្កឱ្យមានការរិះគន់ច្រើនណាស់ពីសំណាក់មហាជន ដោយមានអ្នកអះអាងថាជារឿងមិនពិត ឯអ្នកខ្លះទៀតក៏លើកឡើងពីរឿងជំងឺឆ្លង និង អ្នកខ្លះទៀតក៏មិនពេញចិត្ត ហើយចោទថានាងធ្វើរឿងមិនសមរម្យ។
យ៉ាងណាមិញ ក្រោយមកនាងក៏បានយកវីដេអូសកម្មភាពរបស់នាងជាមួយនឹងបុរសជាង ១ ពាន់នាក់នោះទៅបង្ហោះនៅក្នុងបណ្តាញ Onlyfans ដោយសង្ឃឹមថានឹងរកចំណូលពីវា តែចុងក្រោយក៏ត្រូវបានខាងវេបសាយលុបចោល ព្រមទាំងបញ្ឈប់នាងមិនឱ្យរកចំណូលនៅលើវេបសាយបានទៀតឡើយ។ ខាង Onlyfans បានឱ្យដឹងថា គេបង្កើតវេបសាយនេះដើម្បីតែគាំទ្រអ្នកដែលបង្កើតមាតិកា ដែលបានឆ្លងកាត់ការផ្ទៀងផ្ទាត់គិតគូរយ៉ាងតឹងរ៉ឹង ហើយខាង Onlyfans នឹងធ្វើការត្រួតពិនិត្យទៅលើអាយុ អត្តសញ្ញាណ និង ការយល់ព្រមរបស់អ្នកដែលចូលរួមក្នុងសកម្មភាពរបស់ Bonnie Blue ផងដែរ៕
ប្រភព៖ Khaosod
