តារាប្រុស Big Thongpoom ធ្វើឱ្យនារីៗបាក់ចង្កេះ ក្រោយបញ្ចេញមុខសង្សារថ្មីជាបុរសហាយសូរ ម្ចាស់ហាងពេជ្រវ័យ ៦២ ឆ្នាំ

កាលពីថ្ងៃទី ២៥ ខែកុម្ភៈ ឆ្នាំ ២០២៥ កន្លងទៅនេះ តារាប្រុស Big Thongpoom បានធ្វើឱ្យមហាជនអ្នកគាំទ្រ ជាពិសេសនារីៗមានការភ្ញាក់ផ្អើលយ៉ាងខ្លាំង ក្រោយពីលោកបានបង្ហាញមុខសង្សារថ្មីជាផ្លូវការ ដែលជាបុរសដូចគ្នា និង ជាម្ចាស់ហាងពេជ្រដ៏ល្បី។

បុរសដែលជាម្ចាស់ស្នេហ៍ថ្មីរបស់ Big Thongpoom ត្រូវបានគេស្គាល់ថាជាហាយសូរមួយរូបឈ្មោះ Chuchai មានវ័យ ៦២ ឆ្នាំ ជាអ្នកជំនួញគ្រឿងពេជ្រដ៏ល្បី និង ជាម្ចាស់សណ្ឋាគារដ៏ល្បីមួយកន្លែងផងដែរ។ ក្នុងនោះ Big Thongpoom បានលុតជង្គង់សុំ Chuchai ធ្វើជាសង្សារផ្លូវការ នៅលើឆាកការដេញថ្លៃពេជ្រមួយរបស់ Chuchai ព្រមទាំងបានថើបគ្នាយ៉ាងផ្អែមល្ហែម ដោយមិនខ្វល់ពីក្រសែភ្នែករបស់មហាជនដែលកំពុងទស្សនាឡើយ។

យ៉ាងណាមិញ ក្រោយពីនោះ Big Thongpoom ក៏បាននាំសង្សារមកផ្តល់បទសម្ភាស និង បញ្ជាក់ម្តងទៀតថា Chu Chai គឺសង្សាររបស់ខ្លួនពិតមែន ដោយឆ្លងកាត់ការមើលចិត្តគ្នាមួយរយៈហើយ។ ដោយឡែក មានមហាជនជាច្រើនហាក់មិនពេញចិត្តចំពោះរឿងនេះឡើយ តែក៏មានមួយចំនួនទៀតបានជូនពរលោកឱ្យរក្សាចំណងស្នេហ៍មួយនេះឱ្យបានយូរទៅមុខផងដែរ៕

ប្រភព៖ Thaiger