កាលពីពេលកន្លងមក «ប្រជាប្រិយ» ធ្លាប់បានលើកយកបង្ហាញជូនរួចមកហើយ នូវសិល្បការិនីមួយចំនួនក្នុងវិស័យសិល្បៈ ដែលមានភ័ព្វសំណាងខ្ពស់បានរៀបការជាមួយនឹងអ្នកមានទ្រព្យស្តុកស្តម្ភ មានមុខមានមាត់ក្នុងសង្គម និង បានប្រែក្លាយវាសនាទៅជាលោកជំទាវ និង អ្នកជំនួញផងដែរ។
យ៉ាងណាមិញ ក្រឡេកទៅមើលតារាប្រុស ២ រូប រួមមាន តារាចម្រៀង ថុល សុភិទិ និង តារាសម្តែងលោក Berry ឯណោះវិញ ក៏មានវាសនាខ្ពស់ដូចគ្នាដែរ ដោយលោកមានគូស្នេហ៍ជាអ្នកលក់អនឡាញ ដ៏ស្រស់សោភា ព្រមទាំងពូកែរកស៊ី មើលថែក្រុមគ្រួសារបានល្អទៀតផង។ ម្យ៉ាងវិញទៀត បើក្រឡេកទៅមើលជីវិតរស់នៅប្រចាំថ្ងៃរបស់លោក ថុល សុភិទិ និង លោក Berry ក៏ពោរពេញដោយសុភមង្គល ដោយមានគូស្នេហ៍យល់ចិត្ត រមែងទិញកាដូក្នុងក្តីស្រមៃដូចជារថយន្តទំនើប ម៉ូតូធំទំនើប ដើម្បីបំពេញបំណងដល់លោកជាហូរហែ។
១. លោក ថុល សុភិទិ និង អ្នកនាង ម៉ានីន
២. លោក Berry និង Madam Da
