បើគិតមកដល់ពេលនេះ ផលិតផលខ្មែរជាច្រើនប្រភេទ ដែលកំពុងមានលើទីផ្សារស្រាប់កំពុងតែចាប់ផ្តើមដំណើរការលក់ដូរយ៉ាងមានប្រសិទ្ធភាពហើយ ខណៈមានប្រជាជនកម្ពុជាជាច្រើនបានពហិកាក្នុងការប្រើប្រាស់របស់ផលិតផលផ្ទះលេខ ២។
ជាក់ស្តែង មិនត្រឹមតែផលិតផល ដែលកំពុងមាននៅលើទីផ្សារកំពុងដាក់ចរាចរលក់នោះឡើយ ក៏មានផលិតផលបង្កើតឡើងដោយកូនខ្មែរជាច្រើន ក៏នឹងត្រៀមបញ្ចេញលក់ដូចគ្នា ដោយក្នុងនោះរួមមានទាំងអាហារ ផលិតផលប្រើប្រាស់ផ្សេងៗទៀតផង។ ម្យ៉ាងវិញទៀត ងាកទៅកាន់ទីផ្សារផលិតផលក្នុងស្រុកពាក់ព័ន្ធនឹងសម្រស់ពីចុងសក់ ដល់ចុងជើងឯណោះវិញ ក៏បានឃើញកូនខ្មែរជាច្រើនចាប់ផ្តើមប្តូររោងចក្រពីផ្ទះលេខ ២ និង ខ្លះបានផលិតនៅក្នុងស្រុកតែម្តង។
យ៉ាងណាមិញ ស្របពេលផលិតផលថែសម្រស់កំពុងចាប់ផ្តើមបំបុកទីផ្សារនោះ មហាជនបានចាប់អារម្មណ៍នឹងសិល្បករ សិល្បការិនី ៣ រូប ដែលជាមិត្តសម្លាញ់នឹងគ្នារួមមាន អ្នកនាង គឹម លីហ្សា, អ្នកនាង សារាយ សក្ខិណា និង លោក ជា សុវណ្ណនរាហ៍ ក៏បានចាប់ដៃគ្នាបង្កើតប្រ៊េនផ្ទាល់ខ្លួន ដែលជាសាប៊ូកក់សក់។
សាប៊ូកក់សក់ ដែលតារាប្រុសស្រីទាំង ៣ រូប បានផលិតផលឡើងមិនត្រឹមតែជាផលិតផលក្នុងស្រុកនោះទេ តែក្រឡេកទៅមើលយីហោប៊្រេនសាប៊ូកក់សក់នោះវិញក៏កាន់តែចាប់អារម្មណ៍ គឺពួកគេសម្រេចដាក់ឈ្មោះថា «ឯករាជ្រ»៕
