ជាការពិតណាស់ អំឡុងពេលប្រទេសជាតិកំពុងរងការឈ្លានពានតាមព្រំដែន ដែលកងទ័ពថៃបានបាញ់មកខ្មែរមុន និង កងទ័ពខ្មែរកំពុងវាយបកការឈ្លានពានទៅកាន់ភាគីថៃវិញនៅព្រឹកថ្ងៃទី ២៤ ខែកក្កដា ឆ្នាំ ២០២៥ នោះ ឃើញថាប្រជាជនខ្មែរលើបណ្ដាញសង្គមទូទាំងប្រទេស កំពុងបង្ហោះចែករំលែកបង្ហាញការបួងសួងដល់បារមីវត្ថុស័ក្ដិសិទ្ធិ តាមជួយថែរក្សារដល់បងប្អូនកងទ័ពខ្មែរជួរមុខឱ្យមានសុវត្ថិភាពជាបន្តបន្ទាប់។
ក្នុងនោះ ក្រឡេកទៅមើលក្នុងសង្គមសិល្បៈក៏ដូចគ្នា ក៏មានសិល្បករសិល្បការិនីជាច្រើនបាន និង កំពុង បួងសួងដល់វត្ថុស័ក្ដិសិទ្ធិជួយតាមថែរក្សាកងទ័ពខ្មែរទាំងអស់នៅតាមព្រំដែនឱ្យមានសុខសុវត្ថិភាព។ ជាក់ស្តែង ក៏រួមមានតារាចម្រៀងរ៉េប វណ្ណដា ផងដែរ។
យ៉ាងណាមិញ ក្រោយ វណ្ណដា បានបង្ហោះសារបួងសួងបារមីវត្ថុស័ក្តិសិទ្ធិ និង បុព្វបុរសដូនតាខ្មែរ ជួយឃុំគ្រង ការពារថែរក្សា ដល់បងប្អូនកងទ័ពកម្ពុជានោះ ស្រាប់តែមានសារព័ត៌មានថៃចុះផ្សាយ និង មានការបញ្ចេញមតិពីអ្នកគាំទ្រថៃ ដោយប្រើពាក្យមិនសមរម្យផងដែរ។
ក្រោយ វណ្ណដា បានចេញមកបង្ហាញឆន្ទៈក្នុងនាមជាខ្មែរ បួងសួងដល់កងទ័ពកម្ពុជានោះ តារាចម្តៀងរ៉េបថៃ Younggu បែរជាចេញមកបង្ហោះសារទាំទទឹងទិសបបួល វណ្ណដា វាយគ្នាទៅវិញ។ ក្នុងនោះអ្នកគាំទ្រតារាចម្រៀងរ៉េប វណ្ណដា បង្ហាញការហួដចិត្តជាខ្លាំង និង លើកឡើងថា ៖ «វណ្ណដា ជាខ្មែរបង្ហាញឆន្ទៈជាកូនខ្មែរ ខណៈតារាថៃចេញមកព្រោងព្រាតចោទកម្ពុជាទាំងប្រទេសខ្លួនជាអ្នកចាប់ផ្តើមមុន»៕
