តារាចម្រៀងរ៉េប ២ រូប កាលនៅកំលោះសង្ហាមានមន្តស្នេហ៍ម្យ៉ាង ដល់រៀបការមានកូនក្លាយជាប៉ាៗគេ កាន់តែទាក់ទាញ ក្ដោបទីផ្សារមិនថមថយទេ

បើនិយាយពីតារាចម្រៀងរ៉េបផ្នែកបុរស ដែលបានរៀបការសាងគ្រួសារ និង ទទួលបានចំណងដៃកូនប្រុសស្រីហើយនោះ គឺមានច្រើនក្នុងវិស័យសិល្បៈ ប៉ុន្តែនៅតែទទួលបានការគាំទ្រខ្លាំងពីមហាជន។

យ៉ាងណាមិញ ថ្ងៃនេះ «ប្រជាប្រិយ» នឹងលើកយកតែតារាចម្រៀងរ៉េបវ័យក្មេងផ្នែកបុរស ២ រូប មកជម្រាបជូន​ ខណៈប៉ាៗទាំង ២ រូបនេះបាន និង កំពុងធ្វើឱ្យមហាជនចាប់អារម្មណ៍យ៉ាងខ្លាំងនូវភាពស្រស់សង្ហារបស់គេ ដោយម្នាក់ៗក្រោយរៀបការសាងគ្រួសារហើយនោះ គឺកាន់តែសង្ហាខ្លាំងឡើង រីឯស្ទីលនៃការតុបតែងខ្លួនក៏មិនធម្មតា។

១. ជី ដេវីត

ជាការពិតណាស់ កន្លងមកប៉ាៗវ័យ ៣០ ឆ្នាំ ជី ដេវីត ត្រូវបានមហាជនចាប់អារម្មណ៍ច្រើនមកហើយពីស្ទីលនៃការតុបតែងខ្លួនរបស់លោក ប៉ុន្តែមួយរយៈចុងក្រោយនេះ លោក​ ជី ដេវីត កាន់តែធ្វើឱ្យអ្នកគាំទ្រចាប់ក្រសែភ្នែកទៅលោកកាន់តែខ្លាំង ក៏ព្រោះតែប៉ាៗអូន Albert កាន់តែឡូយជាងមុនទៅទៀត។ ម្យ៉ាងវិញទៀត បើនិយាយពីរូបសម្រស់វិញ គឺស្រស់សង្ហា ហើយការងារកាន់តែចូលមកតាមសម្រស់ទៀតផង។

២. ជា សុជាតិ

ងាកមកកាន់ប៉ាៗរបស់អូន ជា កម្ពុមុនិរាជ គឺលោក ជា សុជាតិ ឯណោះវិញ ក៏ដូចគ្នាដែរ​ តាំងពីនៅកំលោះ រហូតមានភរិយា និង ក្លាយទៅជាប៉ាៗគេមក តារាចម្រៀងរ៉េបរូបនេះ ក៏នៅតែបង្ហាញពីភាពទាក់ភ្នែកដូចដើមទាំងស្ទីលនៃការតុបតែខ្លួន ព្រមទាំងភាពស្រស់សង្ហា។ ទោះមានឈ្មោះជាប៉ាៗក៏ពិតមែន លោក ជា សុជាតិ កាន់តែក្តោបទីផ្សារការងារសិល្បៈច្រើនដូចគ្នា៕