តារាចម្រៀងប្រុសស្រីវ័យក្មេង ៣ រូប មានឈាមជ័រកូនកាត់ ជ្រើសរើសរស់នៅកម្ពុជា កំពុងចាប់ក្តីស្រមៃលើវិថីសិល្បៈ

ជាការពិតណាស់ អ្នកនិយមតាមដានវិស័យសិល្បៈនាពេលបច្ចុប្បន្ន ច្បាស់ជាបានឃើញមកហើយ មានសិល្បករ សិល្បការិនីជាច្រើន ដែលជាកូនកាត់ខ្មែរ បរទេស បាន និង កំពុងក្តោបបានទីផ្សារការងារជាច្រើនក្នុងប្រទេសកម្ពុជា។ លើសពីនោះ ក៏មានកូនកាត់ខ្មែរ បរទេសជាច្រើន បានពាំនាំនូវវប្បធម៌ អរិយធម៌ខ្មែរទៅកាន់ឆាកអន្តរជាតិជាច្រើនផងដែរ។

យ៉ាងណាមិញ ក្រឡេកមកមើលតារាចម្រៀងប្រុសស្រី ៣ រូប រួមមានលោក សាយ, កញ្ញា យូ កាម៉ុនរ៉ាត់ និង លោក មន្ត្រី ឯក ឯណោះវិញ ក៏ត្រូវបានអ្នកគាំទ្រដឹងថា អ្នកទាំង ៣ ក៏ជាកូនកាត់ដូចគ្នាដែរ ក្នុងចំណោមសិល្បករដទៃ ដែលទទួលបានប្រជាប្រិយភាពនាពេលបច្ចុប្បន្ន។

១. លោក សាយ

តារាចម្រៀង Original Song លោក សាយ និង ស្ថាបនិក Run With Sai គឺជាកូនកាត់ខ្មែរ-ឡាវ ដោយលោកឪពុករបស់លោកជាជនជាតិខ្មែរ និង អ្នកម្តាយជនជាតិឡាវ។

២. កញ្ញា យូ កាម៉ុនរ៉ាត់

តារាចម្រៀង និង ពិធីការិនី កញ្ញា​ យូ កាម៉ុនរ៉ាត់ គឺជាកូនកាត់ខ្មែរ-ឡាវ។

៣. លោក មន្ត្រីយ៍ ឯក

តារាចម្រៀង និង អ្នកនិពន្ធ ប្រចាំផលិតកម្ម Plus 855 លោក មន្ត្រីយ៍ ឯក គឺជាកូនកាត់ខ្មែរ-បារាំង ដោយលោកមានអ្នកម្តាយជាជនជាតិខ្មែរ និង លោកឪពុកជាជនជាតិបារាំង៕