នៅថ្ងៃទី ២០ ខែកុម្ភៈ ឆ្នាំ ២០២៥ កន្លងទៅនេះ តាមរយៈផេកហុងស៊ុយបែបវិទ្យាសាស្រ្តរបស់អ្នកគ្រូ ដែលមានឈ្មោះ Master Naly Fengshui បានចែករំលែកពីចំណេះដឹងហុងស៊ុយសម្រាប់បុរស ពាក់ព័ន្ធទៅនឹងការប្រើស្លាកលេខយានយន្ត។
ក្នុងនោះអ្នកគ្រូបានបញ្ជាក់ឱ្យបានដឹងថា សម្រាប់លេខ «52 ឬ 25» គឺជាលេខនារីឧបត្ថម្ភ ដែលល្អសម្រាប់មនុស្សប្រុស នៅពេលមនុស្សប្រុសប្រើលេខនេះ នឹងមានការជួយទំនុកបម្រុងពីមនុស្សស្រី ប៉ុន្តែបើមនុស្សស្រីប្រើនឹងចំណាយលុយច្រើនក្នុងការឧបត្ថម្ភទៅកាន់មនុស្សប្រុស។
គួរឱ្យដឹងផងដែរថា អ្នកគ្រូ ណាលី ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ៕
