នៅថ្ងៃទី ២៦ ខែកុម្ភៈ ឆ្នាំ ២០២៥ សាលាមធ្យមវិចិត្រសិល្បៈ បានចេញសេចក្តីជូនដំណឹងឱ្យបានដឹងថា សាលាគ្រោងនឹងរៀបចំកម្មវិធីអបអរសាទរពិធីបុណ្យចូលឆ្នាំថ្មីប្រពៃណីជាតិ រយៈពេល ២ ថ្ងៃ នៅថ្ងៃទី ១-២ ខែមេសា ឆ្នាំ ២០២៥ ខាងមុខនេះ ក្រោយទទួលបានការអនុញ្ញាតដ៏ខ្ពង់ខ្ពស់ពីលោកជំទាវបណ្ឌិតសភាចារ្យ រដ្ឋមន្ត្រីក្រសួងវប្បធម៌ និង វិចិត្រសិល្បៈ។
សាលាមធ្យមវិចិត្រសិល្បៈ បានឱ្យដឹងថា ក្នុងឱកាស ២ ថ្ងៃនោះ មានរំលេចនូវកម្មវិធីពិសេសរួមមាន៖
– រាំចង្វាក់ប្រជាប្រិយខ្មែរ រាំវង់ រាំក្បាច់ សារ៉ាវ៉ាន់
– ពិធីស្រង់ទឹកជូនព្រឹទ្ធាចារ្យសិល្បៈ
– ការលេងល្បែងប្រជាប្រិយខ្មែរ
– ពិព័រណ៍សិល្បៈ និង ម្ហូបអាហារ
– ការបង្ហាញទស្សនីយភាពសិល្បៈចម្រុះដោយសិស្សានុសិស្ស នៃសាលាមធ្យមវិចិត្រសិល្បៈ
– ការចូលរួមសម្តែងពីតារាចម្រៀង និងតារាកំប្លែងល្បីៗ
ដូចនេះ បងប្អូនសាធារណជន អាចអញ្ជើញចូលរួមឱ្យបានច្រើនកុះករ ដើម្បីចូលរួមថែរក្សាទំនៀមទម្លាប់វប្បធម៌ប្រពៃណីដ៏ល្អផូរផង់របស់ខ្មែរយើង និង ទទួលបានអារម្មណ៍កម្សាន្តជាមួយការរាំរបាំ និង លេងល្បែងប្រជាប្រិយខ្មែរ៕
