ស្ថានទូតបារាំងប្រចាំកម្ពុជា បានជូនដំណឹងពីកម្មវិធីផ្សារបារាំង ដែលប្រព្រឹត្តទៅនៅថ្ងៃទី ០៧ ខែធ្នូ ឆ្នាំ ២០២៤ នេះ រៀបចំឡើងដោយសភាពាណិជ្ជកម្ម និង ឧស្សាហកម្មបារាំងកម្ពុជា ដែលក្នុងឆ្នាំនេះផ្សារបារាំងនឹងកាន់តែអស្ចារ្យជាងមុន ដោយមានការចូលរួមពីស្តង់ជាង ៧០។
ព្រឹត្តិការណ៍នេះផងដែរ ធ្វើឡើងសម្រាប់គ្រប់ចំណង់ចំណូលចិត្ត និង គ្រប់វ័យ នៅក្នុងស្ថានទូតបារំាង ដែលប្រកបដោយទេសភាពបៃតងគួរឱ្យចង់គយគន់ ហើយប្រិយមិត្តអាចអញ្ជើញទៅស្វែងយល់អំពីផលិតផល និង សេវានានារបស់ប្រទេសបារាំង។
សូមបញ្ជាក់ផងដែរថា កម្មវិធីប្រព្រឹត្តទៅនៅស្ថានទូតបារាំងប្រចាំកម្ពុជា ថ្ងៃទី ០៧ ខែធ្នូ ឆ្នាំ ២០២៤ ពីម៉ោង ១០ ដល់ម៉ោង ១៨៖០០ (បើកឱ្យចូលចុងក្រោយនៅម៉ោង ១៧៖៣០) អាចចូលរួមដោយឥតគិតថ្លៃ។ ចំពោះកាបូប និង របស់របរធំៗ នឹងមិនត្រូវបានអនុញ្ញាតឱ្យយកចូលនោះទេ៕
