ថ្មីៗនេះ មានរឿងរ៉ាវបុរសជនជាតិម៉ាឡេស៊ីម្នាក់ បានតស៊ូទិញឆ្នោតលេខដដែលៗមិនឈប់រាប់ឆ្នាំ រហូតដល់ ១៣ ឆ្នាំក្រោយទើបសំណាងមកដល់ ឈ្នះបានលុយជិត ៤ លានដុល្លារ។
តាមព័ត៌មានបានឱ្យដឹងថា បុរសរូបនេះធ្វើការក្នុងឧស្សាហ៍កម្មបោះពុម្ព ហើយគេបានព្យាយាមទិញឆ្នោតលេខ ៦៣៣៣ តាមស្លាកលេខឡានរបស់ខ្លួន និង លេខ ០២២១ ជាថ្ងៃកំណើតរបស់ខ្លួនមកជាង ១៣ ឆ្នាំហើយ ដើម្បីផ្សងសំណាង។ ដោយឡែក សំណាងពិតជាមកដល់មែន ចុងក្រោយបុរសរូបនេះក៏ត្រូវឆ្នោតបានប្រាក់ប្រហែល ១៧ លានរីងគីត ដែលស្មើប្រមាណជិត ៤ លានដុល្លារឯណោះ។
យ៉ាងណាមិញ បុរសរូបនេះមិនបានចាត់ទុកវាថាជារឿងសំណាងឡើយ ដោយចាត់ទុកថាជាការតស៊ូ និង អត់ធ្មត់វិញ ហើយក៏មានគម្រោងនឹងនាំយកប្រាក់ទាំងនេះទៅជួយសង្គម ព្រមទាំងទៅកែប្រែ និង យកអ្វីប្លែកទៅកាន់ឧស្សាហ៍កម្មបោះពុម្ពដែលខ្លួនធ្វើការផងដែរ៕
ប្រភព៖ Khaosod
