នៅថ្ងៃទី ២២ ខែវិច្ឆិកា ឆ្នាំ ២០២៥ នេះ គឺជាថ្ងៃដែលស្ថានទូតបារាំងប្រចាំកម្ពុជា មានរៀបចំព្រឹត្តិការណ៍ផ្សារបារាំង ដែលរៀបចំដោយសភាពាណិជ្ជកម្ម និង ឧស្សាហកម្មបារាំងកម្ពុជា ចាប់ពីម៉ោង ១០ ព្រឹកដល់ម៉ោង ៦ ល្ងាច នៅស្ថានទូតបារាំងប្រចាំកម្ពុជា។
ដូចឆ្នាំកន្លងទៅដែរ ស្ថានទូតបារំាង នឹងបើកឧទ្យានជូនលោកអ្នកចូលទស្សនា អាចមកដើរកម្សាន្តក្នុងឧទ្យានដែលមានដើមឈើ និង រុក្ខជាតិ ២០០ ដើម និង សត្វ ២៥០ ប្រភេទ។ ចំពោះព្រឹត្តិការណ៍ផ្សារបារាំង នឹងមានស្តង់ជាង ៧០ ដែលផ្តល់ឱកាសដល់លោកអ្នកស្វែងយល់អំពីម្ហូបបារាំង ការភ្លក់ម្ហូបចំណី សកម្មភាពកីឡា និង កម្មវិធីនានា។
ចំពោះកម្មវិធីថ្ងៃនេះផងដែរ ប្រិយមិត្តអាចចូលរួមទស្សនាកម្សាន្តដោយឥតគិតថ្លៃ ខណៈ កាបូបធំៗ វត្ថុធំៗ និង សត្វ គឺមិនអនុញ្ញាតឱ្យយកចូលនោះទេ៕
