នៅថ្ងៃទី ៣០ ខែមេសា ឆ្នាំ ២០២៥ នេះ យុវជនមួយរូបដែលជាអ្នកជិះកង់ Fixed gear និង ជាអ្នកធ្វើមាតិការជិះកង់ក្នុងផេក FixFarm បានបង្ហោះវីដេអូលើកម្រាមដៃដប់សុំទោស បន្ទាប់ពីខ្លួនបានប្រើពាក្យសម្ដីលើសលស់ក្នុងការបកស្រាយទៅលើរឿងរ៉ាវថាខ្លួនខុសមែនទេដែលជិះកង់អត់ហ្វ្រាំង និង ប្រាប់ម្ចាស់ឡានថាកុំភ័យរឿងកង់ខ្លួនប៉ះ បើប៉ះខ្លួននឹងសងហើយ។
យ៉ាងណាមិញ ពេលនេះរូបគេបានទទួលស្គាល់កំហុស និង សុំទោសរាល់ការតបតខំមិនរបស់ខ្លួន ដែលមានភាពមិនសមរម្យ និង សុំការអធ្យាស្រ័យជាសាធារណៈ ទៅលើអ្នកបើកបររថយន្តដែលខ្លួនបាននិយាយប៉ះពាល់ និង សង្ឃឹមថាពួកគាត់នឹងអធ្យាស្រ័យចំពោះរឿងនេះ។
សូមរំឭកផងដែរថា រឿងរ៉ាវដែលនាំឱ្យមានការប៉ះពាល់ការបញ្ចេញមតិបែបនេះ កើតឡើងបន្ទាប់ពីយុវជនខាងលើនេះ បានបង្ហោះវីដេអូជិះកង់ក្នុងល្បឿនលឿនឥតមានហ្វ្រាំង លើផ្លូវជាតិ ដែលធ្វើឱ្យអ្នកបញ្ចេញមតិបង្ហាញការព្រួយបារម្ភ ហើយក្មេងប្រុសរូបនេះបានចេញវីដេអូបកស្រាយ រហូតដល់មានពាក្យសម្ដីលើសលស់មិនអាចទទួលយកបាន៕
