ដេកសុខៗត្រូវពស់វែកចឹក តែមិនខ្ចីភ័យ ងើបលាបថ្នាំរួចទៅធ្វើការធម្មតា មានអីលទ្ធផលចូលសង្រ្គោះបន្ទាន់

ថ្មីៗនេះ មានស្រ្តីជនជាតិថៃម្នាក់ បានចែករំលែករឿងរ៉ាវរបស់ខ្លួន ដែលកំពុងដេកសុខៗស្រាប់តែត្រូវពស់វែកចឹក តែនាងមិនខ្ចីភ័យ ងើបលាបថ្នាំបេតាឌីនខ្លួនឯងហើយឡើងទៅធ្វើការធម្មតា មានអីចុងក្រោយត្រូវសង្រ្គោះបន្ទាន់។

ស្រ្តីរូបនេះបានរៀបរាប់នៅគណនី TikTok របស់ខ្លួនថា នាងត្រូវពស់វែកចឹកនៅម៉ោងប្រមាណ ៥ ព្រឹក ថ្ងៃទី ២៥ ខែកុម្ភៈ ឆ្នាំ ២០២៤ តែនាងមិនបានប្រញាប់ទៅពេទ្យ ដោយគ្រាន់តែលាងរបួសដោយទឹកអំបិល ព្រមទាំងលាបថ្នាំបេតាឌីន រួចក៏ចេញទៅធ្វើការនៅម៉ោងប្រមាណ ៧ និង ៤៥ នាទី។ លុះមកដល់ថ្ងៃទី ២៦ ខែកុម្ភៈ ឆ្នាំ ២០២៤ ខណៈធ្វើការសុខៗ នាងក៏ចាប់ផ្តើមហត់ខ្លាំង ហើយក៏សន្លប់បាត់ស្មារតី រួចក៏ត្រូវបញ្ជូនទៅសង្រ្គោះបន្ទាន់តែម្តង។

យ៉ាងណាមិញ នាងបា​នឱ្យដឹងថាពេលនេះនាងបានរួចជីវិតហើយ នាងក៏មិននឹកស្មានថាថ្នាំបេតាឌីនជួយឱ្យនាងតស៊ូជាមួយនឹងពិសពស់បានជាង ៣០ ម៉ោងយ៉ាងនេះដែរ ហើយនាងបានឱ្យដឹងទៀតថា យ៉ាងណាក៏ដោយកុំយកតម្រាប់តាមនាងឱ្យសោះ ព្រោះអាចបណ្តាលឱ្យបាត់បង់ជីវិតបាន៕

ប្រភព៖ Khaosod