នៅថ្ងៃទី ០៣ ខែតុលា ឆ្នាំ ២០២៥ ក្រសួងធនធានទឹក និង ឧតុនិយម បានជូនដំណឹងឱ្យបានដឹងថា យោងទៅលើស្ថានភាពវិវត្តប្រែប្រួល នៃសីតុណ្ហភាពនៅលើផ្ទៃមហាសមុទ្រប៉ាស៊ីហ្វិកភាគខាងលិច និង មហាសមុទ្រឥណ្ឌា ព្រមទាំងតំបន់អេក្វាទ័រ បានបង្ហាញថាកម្ពុជាដែលទទួលនូវរបបខ្យល់មូសុងនិរតី នឹងអស់ឥទ្ធិពលនៅក្នុងសប្តាហ៍ទី ១ ខែវិច្ឆិកា ខាងមុខនេះ ដែលជាការបញ្ចប់នូវរដូវវស្សា ឆ្នាំ ២០២៥ នឹងធ្វើឱ្យកម្ពុជាទទួលឥទ្ធិពលពីរបបខ្យល់មូសុងឦសានម្តង ហើយបរិមាណទឹកភ្លៀងធ្លាក់ដែលគ្របដណ្តប់ទូទាំងប្រទេស នឹងមានកម្រិតថយចុះជាអតិបរមា។
ក្នុងនោះ យោងតាមការវិវត្តប្រែប្រួលនៃសីតុណ្ហភាពនេះ ក្រសួងសូមឱ្យចូលរួមក្នុងការប្រើប្រាស់ទឹកដោយសន្សំសំចៃ និង ចូលរួមថែរក្សាប្រភពទឹកទុកដោយស្មារតីទទួលខុសត្រូវ និង ប្រុងប្រយ័ត្នខ្ពស់អំពីស្ថានភាពធាតុអាកាស និង អាកាសធាតុដែលអាចកើតមានឡើងជាយថាហេតុ៕
សូមអានសេចក្ដីលម្អិតនៅខាងក្រោម ៖
