ពិតណាស់ កញ្ញា ពេជ្រ វត្តីសារ៉ាវឌ្ឍី អាចចាត់ទុកជាបវរកញ្ញាមានភាពជោគជ័យមួយរូបក្នុងវិស័យបវរកញ្ញា ដែលមកដល់ពេលនេះនាងក្ដោបបានទីផ្សារខ្លាំងទទួលបានការងារមិនដាច់ ខណៈនៅតែជាបវរកញ្ញាដ៏មានសក្កដានុពលក្នុងចិត្តមហាជនអ្នកគាំទ្រស្រឡាញ់ចូលចិត្តរូបនាងខ្លាំងដដែល។
លើសពីនេះ ពេជ្រ វត្តីសារ៉ាវឌ្ឍី ក៏ត្រូវបានមហាជនជាច្រើននៅតែបង្ហាញការស្ដាយពីសមត្ថភាពរបស់នាង ដែលតែងលើកទឹកចិត្តជំរុញឱ្យនាងចូលប្រកួតក្នុងកម្មវិធីប្រកួតសម្រស់ណាមួយ និង ចង់ឃើញនាងឈរលើឆាកអន្តរជាតិជាថ្មីម្ដងទៀត។
ដោយឡែក ថ្មីៗនេះ ពេជ្រ វត្តីសារ៉ាវឌ្ឍី បានធ្វើឱ្យមហាជនអ្នកគាំទ្រចាប់អារម្មណ៍ខ្លាំង និង ហាក់រំភើបចិត្តទុកមុន ខណៈបានឃើញនាងចែករំលែកសារមួយបង្ហើបដំរួយចង់ចូលប្រកួតបវរកញ្ញាម្ដងទៀតក្នុងកម្មវីធី Miss Supranational Cambodia។
ក្នុងនោះ ពេជ្រ វត្តីសារ៉ាវឌ្ឍី បង្ហើបដំរួយនេះឡើង ខណៈបានឃើញកញ្ញា ហុក សារិតុលា ដែលជាប្អូនស្រីជិតដិតរបស់នាង បានដាក់ពាក្យចូលប្រកួតកម្មវិធី Miss Supranational Cambodia ឆ្នាំ ២០២៥ ដោយនាងក៏បានចែករំលែកភ្ជាប់ជាមួយសាររៀបរាប់ថា ៖ «ក្តីស្រមៃចង់ឱ្យប្អូនអ្នកផ្ទេរមកុដឱ្យ Hok Sarytola»៕
