មហាជនអ្នកនិយមទស្សនាភាពយន្តខ្នាតធំរបស់កម្ពុជា ច្បាស់ជាបានជ្រាបហើយថា ពេលនេះ រឿង «ភ្លើងឆេះក្លឹបក្រោមដី» របស់ផលិតកម្ម LD ដែលចាក់បញ្ចាំងនៅតាមបណ្តារោងកុននានា ក្នុងប្រទេសកម្ពុជា កំពុងតែផ្ទុះការគាំទ្រយ៉ាងខ្លាំង។ ក្នុងនោះភាពយន្តខាងលើ បានដកស្រង់ចេញពីរឿងពិត ដែលកើតមានឡើងនៅក្នុងខេត្តសៀមរាប។
ក្រឡេកទៅមើលតួអង្គសម្តែង ក៏ដូចគ្នាដែរ ដោយភាគច្រើនតួអង្គសំខាន់ៗ ត្រូវបានមហាជនឃើញថា សុទ្ធសឹងតែជាតួអង្គជំនាន់ថ្មី ប៉ុន្តែពោរពេញដោយសមត្ថភាពក្នុងការសម្តែង ដោយម្នាក់ៗឆក់បានការគាំទ្រយ៉ាងខ្លាំងពីអ្នកទស្សនា។
យ៉ាងណាមិញ ក្រោយការចាក់បញ្ចាំងហើយនោះ ថ្មីៗនេះ អ្នកលេងបណ្តាញសង្គមហ្វេសប៊ុក និង Tik Tok កំពុងលាន់មាត់ និង ព្រឺសម្បុរយ៉ាងខ្លាំង ខណៈបានលេចនូវខមមិនចាស់ៗរបស់តួអង្គប្រុសក្នុងរឿង គឺលោក ប៊ុន ខេវិន ធ្លាប់លេងជាមួយនឹងលោក ឈឿន សំណាង ដែលជាម្ចាស់សាច់រឿងពិតកាលលោកនៅមានជីវិត។
ក្នុងនោះ លោក ប៊ុន ខេវិន បានខមមិនសួរចំណងជើងបទចម្រៀង ដែលលោក ឈឿន សំណាង បានបកស្រាយកាលពីឆ្នាំ ២០២១ រហូតដល់ឆ្នាំ ២០២៥ លោក បានដើរជាតួអង្គលោក ឈឿន សំណាង និង បានបកស្រាយចម្រៀង ដែលលោកបានសួរនោះដោយផ្ទាល់ ធ្វើឱ្យមហាជនលើកឡើងថា ពិតជាចៃដន្យណាស់៕
