ដឹងថាខ្លួនឯងខ្សោយសេវា ខំជះលុយទៅវះកាត់អាអូនតូចឱ្យខ្លាំងធំវែង ជាង ១ ឆ្នាំក្រោយអាអូនតូចរួញខ្លី ខឹងចិត្តពេកប្តឹងពេទ្យទារយកលុយវិញ

ថ្មីៗនេះ សារព័ត៌មាន CTWANT បានរាយការណ៍ពីករណីដ៏គួរឱ្យហួសចិត្តរបស់បុរសជនជាតិតៃវ៉ាន់ម្នាក់ ដែលកើតទុកមិនសុខចិត្តទៅប្តឹងពេទ្យទារជំងឺចិត្ត ក្រោយពីអវយវៈភេទរបស់ខ្លួនរួមខ្លីជាងមុន បន្ទាប់ពីការវះកាត់ព្យាបាលបញ្ហាអសមត្ថភាពផ្លូវភេទ។

តាមព័ត៌មានបានឱ្យដឹងថា កាលពីឆ្នាំ ២០២៣ កន្លងទៅ បុរសរូបនេះបានចំណាយប្រាក់ប្រមាណ ២៣៥ ០០០ ដុល្លារតៃវ៉ាន់ ដើម្បីវះកាត់បញ្ជូលប្រដាប់ភេទសិប្បនិមិត្តតាមការណែនាំរបស់គ្រូពេទ្យ ដើម្បីព្យាបាលបញ្ហាអសមត្ថភាពផ្លូវពេទ្យរបស់ខ្លួន។ មុននឹងការវះកាត់អវយវៈភេទរបស់បុរសនេះមានប្រវែង ១៨ សង់ទីម៉ែត្រ តែក្រោយវះកាត់បាន ១៤ ខែ គឺនៅក្នុងឆ្នាំ ២០២៤ កន្លងទៅ បុរសនេះអះអាងអវយវៈរបស់ខ្លួននៅសល់តែប្រវែង ៩ សង់ទីម៉ែត្រ ហើយក៏បានធ្វើការប្តឹងផ្តល់ទៅកាន់គ្រូពេទ្យដែលបានវះកាត់ឱ្យខ្លួន ដោយទារសំណងប្រមាណ ៥៣៥ ០០០ ដុល្លារតៃវ៉ាន់។

ចុងក្រោយបុរសខាងលើនេះបានចាញ់ក្តី ដោយតុលាការបានកាត់សេចក្តីថា បុរសនេះមិនមានភស្តុតាងបញ្ជាក់ពីប្រវែងអវយវៈភេទរបស់ខ្លួននៅពេលមុនវះកាត់ច្បាស់លាស់ រីឯរូបភាពអវយវៈដែលនាំមកបង្ហាញក៏មិនច្បាស់ថាជារបស់បុរសនេះផ្ទាល់ ហើយម្យ៉ាងទៀតប្រវែងអវយវៈអាចប្រែប្រួលបានទៅតាមសីតុណ្ហភាព សុខភាពផ្លូវចិត្ត និង សុខភាពអរម៉ូន ហើយគ្រូពេទ្យក៏បានណែនាំពីហានិភ័យមុនពេលវះកាត់រួចទៅហើយដែរ៕

ប្រភព៖ Kapook