មកដល់ពេលនេះ កម្មវិធីប្រកួតសម្រស់ Mister Supranational Cambodia 2025 បានឈានដល់វគ្គបើកកម្មវិធីបំពាក់ឈៀងចំពោះបេក្ខភាពបុរសឯកផ្លូវការទាំង ២២ រូបហើយ។
ស្របពេលកំពុងដំណើរការប្រកួតដល់វគ្គនេះដែរ មហាជនកំពុងក្រឡេកចាប់អារម្មណ៍មើលទៅបេក្ខភាពបុរសឯកនីមួយៗដែលសុទ្ធសឹងតែមានរូបសម្រស់ស្រស់សង្ហា ព្រមទាំងមានសមត្ថភាពទេពកោសល្យ និង ចំណេះដឹងរៀងៗខ្លួន។
យ៉ាងណាមិញ អ្វីដែលធ្វើឱ្យមហាជនអ្នកគាំទ្រវិស័យបុរសឯកបានចាប់អារម្មណ៍តាមដានខ្លាំង ចំពោះបេក្ខភាពបុរសឯក ៣ រូប គឺលោក ម៉ឺន ឯកសុធារិទ្ធ, លោក ហ៊ាប ស៊ាងហ៊ុយ និង លោក អ៊ុង ច័ន្ទចក្រី ដែលសុទ្ធសឹងតែជាតារាសម្ដែងប្រុសដ៏មានប្រជាប្រិយភាពក្នុងវិស័យសិល្បៈ មានទាំងរូបសម្រស់ ចំណេះដឹង និង សមត្ថភាព។
ចំពោះតារាសម្ដែងប្រុសរូបសង្ហា ដែលជាបេក្ខភាព Mister Supranational Cambodia 2025 ទាំងបីរូប មានភាពលេចធ្លោប្រដំប្រសងគ្នាតាំងពីវគ្គដំបូងៗ និង កំពុងធ្វើឱ្យអ្នកគាំទ្រកាន់តែរំពឹងខ្ពស់ថានឹងក្លាយជាម្ចាស់តំណែង Mister Supranational Cambodia ក្នុងឆ្នាំ ២០២៥ នេះ ក្រោយពីបង្ហាញសមត្ថភាពប៉ុន្មានវគ្គមកនេះ។
១. លោក ម៉ឺន ឯកសុធារិទ្ធ
២. លោក ហ៊ាប ស៊ាងហ៊ុយ
៣. លោក អ៊ុង ច័ន្ទចក្រី
