ដាក់ពាក្យលឿនៗ! មន្ទីរពេទ្យមិត្តភាពខ្មែរ-សូវៀត ប្រកាសរើសបុគ្គលិកកិច្ចសន្យាចូលបម្រើការងារ ផុតទទួលពាក្យចុងខែនេះ

នៅថ្ងៃទី ២៣ ខែឧសភា ឆ្នាំ ២០២៥ នេះ មន្ទីរពេទ្យមិត្តភាពខ្មែរ-សូវៀត បានជូនដំណឹងស្តីពីការជ្រើសរើសបុគ្គលិកជាប់កិច្ចសន្យាមន្ទីរពេទ្យ ជាវេជ្ជបណ្ឌិតឯកទេស សម្ភព និង រោគស្ត្រី ចំនួន ២ រូប។

ក្នុងនោះ បេក្ខជនបេក្ខនារី ត្រូវមានលក្ខណៈសម្បត្តិដូចខាងក្រោម៖

– មានសញ្ញាបត្រតាមជំនាញ

– អាចប្រើប្រាស់ភាសាអង់គ្លេសបានល្អ និង ចេះកុំព្យូទ័រ

– ធ្លាប់មានបទពិសោធន៍ការងារ (រឹតតែប្រសើរ)

– សុខភាពល្អ និង កាយសម្បទាមាំមួន

– មានភាពរួសរាយរាក់ទាក់ សាមគ្គីភាព និង ទំនាក់ទំនងការងារល្អ

– ឧស្សាហ៍ព្យាយាម អំណត់ ស្មោះត្រង់ និង ទទួលខុសត្រូវខ្ពស់

ដូច្នេះបេក្ខជនបេក្ខនារី ដែលមានចំណាប់អារម្មណ៍ អាចភ្ជាប់ជាមួយនូវប្រវត្តិរូប (មានបិតរូបថត) និង ពាក្យសុំចូលបំរើការងារ (CV និង Cover letter), អត្តសញ្ញាណប័ណ្ណសញ្ជាតិខ្មែរ សៀវភៅគ្រួសារ ឬ សៀវភៅស្នាក់នៅ សំបុត្រកំណើត (ថតចម្លង) ,សញ្ញាបត្រមធ្យមសិក្សាទុតិយភូមិ និង សញ្ញាបត្រតាមជំនាញ (ថតចម្លងមានបញ្ជាក់ត្រឹមត្រូវ) និង ឯកសារពាក់ព័ន្ធផ្សេងៗ។ លោកអ្នកអាចយកពាក្យទៅដាក់នៅការិយាល័យរដ្ឋបាល និង បុគ្គលិកនៃមន្ទីរពេទ្យមិត្តភាពខ្មែរ-សូវៀត រៀងរាល់ម៉ោងធ្វើការ ចាប់ពីថ្ងៃផ្សាយដំណឹងនេះ រហូតដល់ថ្ងៃទី ៣០ ខែឧសភា ឆ្នាំ ២០២៥៕