នៅថ្ងៃទី ២០ ខែកុម្ភៈ ឆ្នាំ ២០២៥ ក្រសួងរ៉ែ និង ថាមពល បានចេញសេចក្តីជូនដំណឹង ស្តីពីការជ្រើសរើសមន្ត្រីជាប់កិច្ចសន្យា បម្រើការងារនៅទីស្តីការក្រសួងរ៉ែ និង ថាមពល សម្រាប់ឆ្នាំ ២០២៥។
ក្នុងនោះ ក្រសួងរ៉ែ និង ថាមពល បានបញ្ជាក់ឱ្យបានដឹងថា សម្រាប់ឆ្នាំ ២០២៥ ក្រសួងត្រូវការជ្រើសរើសមន្ត្រីជាប់កិច្ចសន្យាចំនួន ១១ រូប លើមុខតំណែងជំនួយការអង្គភាព ដែលបេក្ខជនទាំងពីរភេទ ត្រូវមានសញ្ជាតិខ្មែរ ត្រូវមានចំណេះដឹង និង ជំនាញផ្នែក៖ រដ្ឋបាល សេដ្ឋកិច្ច គណនេយ្យ ហិរញ្ញវត្ថុ នីតិសាស្ត្រ រដ្ឋបាលសាធារណៈ អក្សរសាស្ត្រខ្មែរ Graphic Design ថតរូប និង ជំនាញ ផ្សេងៗពាក់ព័ន្ធនឹងវិស័យរ៉ែ ថាមពល ឬប្រេងកាត។
ចំពោះនីតិវិធីនៃការជ្រើសរើស មានដូចជា ៖
១. ក្រសួងនឹងពិនិត្យពាក្យស្នើសុំចូលបម្រើការងាររបស់បេក្ខជន ដើម្បីជ្រើសរើសយកអ្នកដែលមានលក្ខណៈសម្បត្តិសមស្រប បន្តទៅការសម្ភាសផ្ទាល់មាត់ និង ការធ្វើបទបង្ហាញ។
២. ចំពោះពេលវេលា ទីកន្លែង និង លក្ខខណ្ឌដទៃទៀត នៃការសម្ភាសផ្ទាល់មាត់ និង ការធ្វើបទបង្ហាញ ក្រសួងនឹងជូនដំណឹងពេលក្រោយ។
អាស្រ័យហេតុនេះ បេក្ខជនអាចទៅដាក់ពាក្យស្នើសុំចូលបម្រើការងារ ចាប់ពីថ្ងៃជូនដំណឹង រហូតដល់ថ្ងៃទី ២៨ ខែកុម្ភៈ ឆ្នាំ ២០២៥ រៀងរាល់ម៉ោងធ្វើការ ពេលព្រឹកម៉ោង ៨:០០ នាទី ដល់ម៉ោង ១១:៣០ នាទី និងពេលរសៀលចាប់ពីម៉ោង ១៤:៣០ នាទី ដល់ម៉ោង ១៧:០០ នាទី។ សម្រាប់ព័ត៌មានលម្អិត សូមទំនាក់ទំនងតាមរយៈទូរស័ព្ទលេខ៖ ០៨៦ ២៦៥ ៧៩៥ ឬ ០៨៨ ៤០១ ៩១២៨៕
សូមអានសេចក្ដីលម្អិតនៅខាងក្រោម ៖
