ដាក់ពាក្យលឿនៗ! កងទ័ពជើងគោក ប្រកាសរើសពលទាហានថ្មី ជាង​ ១ ពាន់កន្លែង ក្នុងខេត្តទាំងនេះ

នៅព្រឹកថ្ងៃទី ២៧ ខែកុម្ភៈ ឆ្នាំ ២០២៥ នេះ កងទ័ពជើងគោក នៃកងយោធពលខេមរភូមិន្ទ បានចេញសេចក្តីជូនដំណឹង ស្តីពីការជ្រើសរើសពលទាហានថ្មី បំពេញក្របខ័ណ្ឌឱ្យកងទ័ពជើងគោក ខណៈយុវជន ដែលមានបំណងចង់ចូលបម្រើការងារកងយោធពលខេមរភូមិន្ទ បំពេញក្របខណ្ឌឱ្យកងទ័ពជើងគោក អាចទាក់ទងទទួលយក និង ដាក់ពាក្យស្នើសុំ ទៅតាមលក្ខខណ្ឌជ្រើសរើស តាមកាលបរិច្ឆេទ និង ទីកន្លែង។

ក្នុងការជ្រើសរើសនេះ ទីកន្លែងចែក និង ទទួលពាក្យស្នើសុំ មានដូចជា៖

១. យោធភូមិភាគទី ១ ចំនួន ១១៨ នាក់ តំបន់ប្រតិបត្តិការសឹករងរតនគិរី តំបន់ប្រតិបត្តិការសឹករងមណ្ឌលគិរី តំបន់ប្រតិបត្តិការសឹករងស្ទឹងត្រែង

២. យោធភូមិភាគទី ២ ចំនួន ៥៣ នាក់ តំបន់ប្រតិបត្តិការសឹករងស្វាយរៀង តំបន់ប្រតិបត្តិការសឹករងព្រៃវែង តំបន់ប្រតិបត្តិការសឹករងត្បូងឃ្មុំ តំបន់ប្រតិបត្តិការសឹករងក្រចេះ

៣. យោធភូមិភាគទី ៣ ចំនួន ៨១ នាក់ តំបន់ប្រតិបត្តិការសឹករងតាកែវ តំបន់ប្រតិបត្តិការសឹករងកំពត តំបន់ប្រតិបត្តិការសឹករងកោះកុង

៤. យោធភូមិភាគទី ៤ ចំនួន ១០៥ នាក់ តំបន់ប្រតិបត្តិការសឹករងសៀមរាប តំបន់ប្រតិបត្តិការសឹករងឧត្តរមានជ័យ

៥. យោធភូមិភាគទី ៥ ចំនួន ១១៧៤ នាក់ តំបន់ប្រតិបត្តិការសឹករងពោធិ៍សាត់ បន់ប្រតិបត្តិការសឹករងប៉ៃលិន តំបន់ប្រតិបត្តិការសឹករងបន្ទាយមានជ័យ តំបន់ប្រតិបត្តិការសឹករងបាត់ដំបង

៦. យោធភូមិភាគពិសេស ចំនួន ១៦៩ នាក់ តំបន់ប្រតិបត្តិការសឹករងកណ្តាល។

ចំពោះការជ្រើសរើសយុវជនស្ម័គ្រចិត្ត សុំចូលបម្រើកងយោធពលខេមរភូមិន្ទ បំពេញក្របខណ្ឌឱ្យកងទ័ពជើងគោកនេះ គឺកំណត់យកតាមទីលំនៅបច្ចុប្បន្នរបស់បេក្ខជនរស់នៅតាមភូមិសាស្ត្រខេត្តខាងលើ៕

សម្រាប់លក្ខខណ្ឌជ្រើសរើសផ្សេងៗ និង ឯកសារតម្រូវមានដូចក្នុងលិខិតខាងក្រោម ៖