ដាក់ថ្នាំពុលក្នុងនំ រួចយកទៅចែកឱ្យក្រុមអ្នកលេងហូប ស្លា./ ប់អស់ ៤០ នាក់ ដើម្បីសងសឹកឱ្យគ្រួសារ

មានស្រ្តីជាអ្នកលក់នំជនជាតិហៃទីម្នាក់ បានសម្រេចចិត្តសងសឹកចំពោះក្រុមជនពាលដែលបានសម្លាប់សមាជិកគ្រួសាររបស់ខ្លួន ដោយបានដាក់ថ្នាំបំពុលក្នុងនំ រួមយកទៅចែកឱ្យក្រុមជនពាលនោះ បណ្តាលឱ្យស្លាប់អស់ទាំងក្រុមចំនួន​ ៤០ នាក់។

ស្ត្រីរូបនេះ រស់នៅក្នុងទីក្រុង Port-au-Prince រដ្ឋធានីនៃប្រទេសហៃទី នាងជាអ្នកលក់នំ pâtés ដែលជានំដ៏ពេញនិយមក្នុងតំបន់។ ក្នុងនោះ គ្រួសាររបស់នាងត្រូវក្រុមជនពាល Viv Ansanm បានធ្វើការសម្លាប់ តែនាងមិនមាត់តវ៉ាឡើយ ដោយរងចាំសងសឹកយ៉ាងចិត្តត្រជាក់បំផុត។ នាងដាក់ថ្នាំកន្លាតកម្រិតខ្លាំងនៅក្នុងនំ របស់នាង រួចក៏បានយកទៅចែកឱ្យក្រុមអ្នកលេងនោះដោយមិនគិតថ្លៃ ក្រុមអ្នកលេងនាំគ្នាយកដោយមិនសង្ស័យ ព្រោះនាងជាអ្នកលក់ក្នុងតំបន់នេះយូរណាស់មកហើយ។

យ៉ាងណាមិញ ក្រោយពីបានបរិភោគហើយ ស្រាប់តែម្នាក់ៗក៏បាននាំគ្នាចុកពោះ និងក្អួតយ៉ាងធ្ងន់ធ្ងរ ហើយក៏ដល់ថ្នាក់បាត់បង់ជីវិតអស់ចំនួន ៤០ នាក់ ដោយមិនទាន់មាននរណាម្នាក់បានសង្រ្គោះពីគ្រូពេទ្យឡើយ។ ដោយឡែក ក្រោយពីបង្កហេតុហើយ ស្រ្តីខាងលើក៏បានមកប្រគល់ខ្លួន​ឱ្យប៉ូលិស ហើយបានសារភាពថាខ្លួនជាដាក់ថ្នាំបំពុលក្រុមជនពាលខាងលើនេះ នាងធ្វើគ្រប់យ៉ាងទាំងអស់ដោយខ្លួនឯង ទាំងការរៀបចំគម្រោងការ និង ការធ្វើសកម្មភាព៕

ប្រភព៖ Khaosod