កាលពីថ្ងៃទី ២១ ខែកក្កដា ឆ្នាំ ២០២៥ កន្លងទៅនេះ នៅក្នុងប្រទេសថៃ មានករណីចាប់ខ្លួនសាស្រ្តាចារ្យបណ្ឌិត និង ជាព្រឹទ្ធបុរសរងនៅសកលវិទ្យាល័យល្បីមួយនៅខេត្តខនកេន ទាក់ទងនឹងករណីជួញដូរថ្នាំញៀន បង្កឱ្យមានការភ្ញាក់ផ្អើលយ៉ាងខ្លាំងក្នុងសង្គមថៃ។
តាមព័ត៌មានបានឱ្យដឹងថា បុរសខាងលើនេះមានឈ្មោះ Nakkharit វ័យ ៣៩ ឆ្នាំ មានអាជីពជាសាស្រ្តចារ្យ និង ជាព្រឹទ្ធបុរសរងប្រចាំសកលវិទ្យាល័យល្បីមួយនៅក្នុងខេត្តខនកេន ប្រទេសថៃ។ បុរសនេះត្រូវបានអាជ្ញាធរចាប់ខ្លួនជាមួយនឹងបុរសម្នាក់ទៀតវ័យ ២៧ ឆ្នាំ ក្រោយពីស្រាវជ្រាវឃើញមានពាក់ព័ន្ធនឹងករណីជួញដូរគ្រឿងញៀន ហើយក្នុងនោះអាជ្ញាធររឹបអូសបានដោយមេតំហ្វេតាមីនចំនួន ៣៤,៦៥ ក្រាម លាក់ទុកក្នុងរថយន្ត និង ១.១៥ ក្រាម ទៀតនៅក្នុងផ្ទះ។
យ៉ាងណាមិញ ក្រោយពីការស៊ើបមើលប្រវត្តិ អាជ្ញាធរបានរកឃើញទៀតថា បុរសរូបនេះធ្លាប់មានការពាក់ព័ន្ធនឹងការស្លាប់របស់បុរសវ័យ ២៧ ឆ្នាំម្នាក់ដែលជាគូស្នេហ៍ កាលពីឆ្នាំ ២០២៤ កន្លងទៅ ដោយកាលណោះ អ្នកទាំងពីរបានណាត់ជួបគ្នានៅក្នុងសណ្ឋាគារមួយកន្លែង ហើយក្រោយមកគេស្រាប់តែឃើញបុរសជាសង្សារបានស្លាប់ ដោយការសម្លាប់ខ្លួន ប៉ុន្តែខាងប៉ូលិសរកមិនឃើញភស្តុតាងនៃករណីឃាតកម្មឡើយ ទើបបុរសជាសាស្រ្តចារ្យរូបនេះរួចខ្លួនមកបានមកទល់ពេលនេះ៕
ប្រភព៖ PPTVHD36
