កាលពីថ្ងៃទី ២៨ ខែសីហា ឆ្នាំ ២០២៥ កន្លងទៅនេះ កងកម្លាំងទាហានបូរ៉ាផារបស់ថៃ បានចេញសេចក្តីប្រកាសសម្រេចដាក់ច្បាប់អាជ្ញាសឹកឱ្យដំណើរការនៅក្នុងតំបន់ Ban Nong Chan ដោយអះអាងថាដើម្បីថែរក្សាសុវត្ថិភាពប្រទេសថៃ ក្រោយប្រជាជនខ្មែរនៅភូមិអូរបីជាន់ពុងបង្កចលាចល។
តាមព័ត៌មានបានឱ្យដឹងថា ផ្លូវស្រ៊ីផេន ភូមិបានណងចាន់ ឃុំណូម៉ាកមុន ស្រុកខូកស៊ូង ខេត្តស្រះកែវ នឹងត្រូវកំណត់ជាខ្សែបន្ទាត់ និង តំបន់រក្សាសន្តិភាព គឺដើម្បីរក្សាអធិបតេយ្យភាពជាតិ និងបូរណភាពទឹកដី ក៏ដូចជាអាយុជីវិតទ្រព្យសម្បត្តិរបស់ប្រជាជនថៃ។
ក្នុងនោះ ច្បាប់អាជ្ញាសឹកនេះ មានការហាមយកអាវុធគ្រប់ប្រភេទ ឬអាវុធក្លែងបន្លំចូលទៅក្នុងតំបន់ហាមឃាត់ ហាមបិទផ្លូវដែលប៉ះពាល់ដល់ប្រតិបត្តិការរបស់កងទ័ព ហាមថតរូបមូលដ្ឋានយោធា ហាមឈ្លោះទាស់ទែងគ្នា និងផឹកស្រា ហាមប្រើប្រាស់ឧបករណ៍បំពងសំឡេងដោយគ្មានការអនុញ្ញាត៕
ប្រភព៖ Khaosod
