គិតត្រឹមម៉ោង ១១ ព្រឹកថ្ងៃទី ១ ខែសីហា ឆ្នាំ ២០២៥ នេះ ទាហានកម្ពុជាចំនួន ២ រូប ត្រូវបានភាគីថៃប្រគល់ត្រឡប់មកវិញហើយ នៅច្រកទ្វារព្រំដែនអន្ដរជាតិអូរស្មាច់ ខេត្តឧត្តរមានជ័យ។
ទាហានដែលត្រូវបានបញ្ជូនមកកម្ពុជា ទាំង ២ នាក់ រួមមាន អនុសេនីយ៍ត្រី អាង អឿង អាយុ ៣៧ ឆ្នាំ និង ពលបាលឯក ម៉ម វុទ្ធី អាយុ ៥៣ ឆ្នាំ ខណៈទាហានទាំង ២ នាក់ ត្រូវបានបញ្ជូនត្រឡប់មកវិញ ខុសប្រក្រតីដោយមានម្នាក់រងរបួសអង្គុយលើរទេះរុញ និង ម្នាក់ទៀតបានភ្លេចភ្លាំងស្មារតី និង ត្រូវបានកងកម្លាំងជំនាញ និង គ្រូពេទ្យយើងបញ្ជូនទៅសង្គ្រោះបន្ទាន់ភ្លាមៗ។
យ៉ាងណាមិញ សម្រាប់ទាហានកម្ពុជាដែលនៅសេសសល់កំពុងបន្ដនីតិវិធីនៅឡើយ៕
