អ្នកនិយមស្នេហាវិស័យប្រដាល់គុនខ្មែរ ច្បាស់ជាបានស្គាល់មកហើយកីឡាករគុនប្រដាល់ខ្មែរ ទិត្យ សុវណ្ណគិរី ដែលជាកីឡាករមានថ្វីដៃមិនធម្មតាក្នុងវិស័យនេះ។
យ៉ាងណាមិញ បើទោះជាប៉ុន្មានឆ្នាំចុងក្រោយ កីឡាករប្រដាល់គុនខ្មែរ ទិត្យ សុវណ្ណគិរី មិនសូវបានបង្ហាញការប្រកួតលើសង្វៀនប្រដាល់ក៏ពិតមែន ប៉ុន្តែកីឡាករ ទិត្យ សុវណ្ណគិរី ក៏កំពុងតែបំពេញតួនាទីក្នុងជួរយោធិនផងដែរ។
ជាក់ស្តែង ថ្មីៗនេះ កីឡាករប្រដាល់គុនខ្មែរជើងចាស់ ទិត្យ សុវណ្ណគិរី បានធ្វើឱ្យអ្នកលេងបណ្តាញសង្គមហ្វេសប៊ុក មានការកោតសរសើរដល់លោកយ៉ាងខ្លាំង ខណៈពេលនេះ លោកកំពុងឈរជើងនៅតំបន់មុំបី ដើម្បីការពារព្រំដែន។
ក្នុងនោះ កីឡាករប្រដាល់គុនខ្មែរជើងចាស់ខាងលើបានបង្ហោះសារមួយថា៖ «បេះដូងមួយនេះ តស៊ូការពារដើម្បីជាតិ ពលីដើម្បីប្រទេស និង ប្រជាជន»៕
