ឈាមជ័រអ្នកសិល្បៈ! បងប្អូនស្រី ចាន់ ស្រីខួច ទាំង ៣ នាក់ សុទ្ធតែស្អាតៗ និង មានទេពកោសល្យផ្នែកចម្រៀង

ជាការពិតណាស់ បើនិយាយពីអតីតបេក្ខភាពកម្មវិធី The Voice Kids Cambodia រដូវកាលទី ១ ប្រិយមិត្តច្បាស់ជានៅចាំកុមារី ចាន់ ស្រីខួច មិនខាន ដោយបច្ចុប្បន្ន នាងបានចម្រើនវ័យពេញរូបពេញរាងក្លាយជាកញ្ញា យ៉ាងស្រស់ស្អាត។ លើសពីនោះ កញ្ញា ចាន់ ស្រីខួច បច្ចុប្បន្នក៏ជាតារាចម្រៀងប្រចាំផលិតកម្ម Plus 855 ផងដែរ។

ដោយឡែក ងាកទៅកាន់ជីវិតឯកជនឯណោះវិញ មានអ្នកគាំទ្រជាច្រើនច្បាស់ជាបានជ្រាបហើយថា កញ្ញា ចាន់ ស្រីខួច គឺជាកូនស្រីពៅក្នុងគ្រួសារក្នុងចំណោមបងប្អូនស្រី ៣ នាក់។ ក្នុងនោះ អ្វីដែលកាន់តែចាប់អារម្មណ៍ ចាន់ ស្រីខួច មិនមែនមានដុងផ្នែកសិល្បៈចម្រៀងតែម្នាក់ឯងនោះទេ តែបងស្រីទាំង ២ របស់នាង ក៏ជាអ្នកសិល្បៈដូចគ្នាដែរ។

១. បងស្រីច្បង

បងស្រីច្បងរបស់កញ្ញា ចាន់ ស្រីខួច គឺតារាស្រី ចាន់ ស្រីនាថ មិនត្រឹមតែជាតារាចម្រៀងប៉ុណ្ណោះទេ តែកញ្ញា ក៏មានអាជីពជាពិធិការិនីដែរ។

២. បងស្រីទី ២

បងស្រីទី ២ របស់កញ្ញា ចាន់ ស្រីខួច មានឈ្មោះថា ចាន់ ណាណា ក៏ជាតារាចម្រៀងអាជីពមួយរូបដែរ។ បច្ចុប្បន្ន កញ្ញា ចាន់ ណាណា ហាក់រយាលលើវិថីសិល្បៈបន្តិច ខណៈកំពុងមមាញឹកក្នុងមុខរបររកស៊ី។

៣. ប្អូនស្រីពៅ

កញ្ញា ចាន់ ស្រីខួច កូនស្រីពៅត្រកូល ចាន់ មហាជនជាច្រើនបានស្គាល់មកហើយ ក្រោយពីបោះជំហានចូលប្រកួតកម្មវិធី The Voice Kid Cambodia រដូវកាលទី ១ ហើយនោះ ស្រីស្អាតរូបនេះ បានបោះជំហានក្លាយទៅជាតារាចម្រៀងអាជីព និង ជាតារាម៉ូដែលផងដែរ។ សព្វថ្ងៃ កញ្ញា ចាន់ ស្រីខួច គឺជាតារាចម្រៀងប្រចាំផលិតកម្ម Plus 855៕