ជឿអត់? ស្រលាញ់គ្នាជាង ២ ឆ្នាំ Taylor Swift និង​ គូដណ្តឹង មិនដែលឈ្លោះគ្នាសោះ ខុសដាច់ពីសង្សារចាស់ជាង ១០ នាក់មុន

Taylor Swift ជាតារាចម្រៀងស្រី ដែលមានសង្សារច្រើនបំផុត បើរាប់ត្រួសៗប្រមាណជិត ២០ នាក់។ ទោះយ៉ាងណា នៅទីបំផុតនាងក៏បានរកឃើញដៃគូច្បាស់លាស់ គឺ កីឡាករបាល់ទាត់ Travis Kelce ដោយបានសាងស្នេហ៍ រហូតឈានដល់ថ្ងៃភ្ជាប់ពាក្យផងដែរ។

ប្តូរទំនាក់ទំនងពីសង្សារ មកជាគូដណ្តឹង ​អ្វីដែលអស្ចារ្យបំផុតសម្រាប់ Taylor Swift គឺ នាង និង គូដណ្តឹង មិនដែលឈ្លោះគ្នាសោះឡើយ។ តួយ៉ាង តាមការអះអាងរបស់ លោក Travis Kelce ដែលជាគូដណ្តឹងរបស់នាង លោកបានសន្ទនានៅក្នុងកម្មវិធី Podcast មួយឈ្មោះថា New Heights ដោយលើកឡើងថា បន្ទាប់ពីទាក់ទងស្រលាញ់គ្នា ២ ឆ្នាំកន្លះ មកនេះ លោក និង​ នាង (Taylor Swift) ​មិនដែលមានទំនាស់ ឬ ឈ្លោះគ្នាសូម្បីតែម្តង។

នេះសបញ្ជាក់ឱ្យឃើញថា Taylor Swift នាងបានរកឃើញបុរសដ៏ត្រឹមត្រូវ និង មានភាពស៊ីមេទ្រី ដែលអាចរស់នៅជាមួយគ្នាយូរអង្វែង ខុសពីសង្សារចាស់ជាង ១០ នាក់មុន។

Taylor Swift និង Travis Kelce បានប្រកាសភ្ជាប់ពាក្យនៅលើបណ្តាញសង្គម Instagram កាលពីខែ​សីហាកន្លងទៅ។ ជាមួយរូបភាពធ្វើ proposal សុំរៀបការ ពួកគេបានសរសេរថា “Your English teacher and your gym teacher are getting married.” ឬ ប្រែន័យថា គ្រូបង្រៀនភាសាអង់គ្លេសរបស់អ្នក និង គ្រូបង្ហាត់ហាត់ប្រាណរបស់អ្នកជិតរៀបការហើយ។

ក្នុងបទសម្ភាសមួយជាមួយពិធីការិនីអាមេរិក Erin Andrews គូដណ្តឹងរបស់ Taylor Swift បាននិយាយថា នៅពេលធ្វើ Proposal សុំរៀបការ លោករំភើបចិត្តរហូតស្រក់ទឹកភ្នែក មុនពេលនិយាយពាក្យសុំរៀបការទៅកាន់នាង៕

ប្រភព៖ bustle