នៅថ្ងៃទី ១៤ ខែ វិច្ឆិកា ឆ្នាំ ២០២៤ ស្អែកនេះ គឺជាថ្ងៃទី ១ នៃការប្រណាំងទូក ក្នុងឱកាសអបអរសាទរព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អកអំបុក ឆ្នាំ ២០២៤។
ក្នុងការប្រណាំងទូកនៅថ្ងៃទី ១ នេះផងដែរ តាមរយៈបញ្ជីផ្គូផ្គងការប្រណាំង ដែលផ្ដល់ដោយក្រសួងអប់រំ យុវជន និង កីឡា បានបញ្ជាក់ឱ្យបានដឹងថា នៅថ្ងៃប្រកួតទី ១ ទូកចំណាត់ថ្នាក់លេខ ១ ក្នុងឆ្នាំ ២០២៣ ឈ្មោះ «មហាទន្សាយតេជោសែនជ័យ» មកពីខេត្តកំពង់ចាម នឹងត្រូវប៉ះជាមួយទូកចំណាត់ថ្នាក់លេខ ២ ក្នុងឆ្នាំ ២០២៣ ឈ្មោះ «សម្ដេចវិបុលបញ្ញាបារមីមានជ័យ» មកពីខេត្តតាកែវ។
ចំពោះការប្រកួតនៅថ្ងៃស្អែកនេះផងដែរ ម្ចាស់ជើងឯកឆ្នាំ ២០២៣ «មហាទន្សាយតេជោសែនជ័យ» មកពីខេត្តកំពង់ចាម ស្ថិតនៅខ្សែទឹកខាងក្នុង ចំណែកឯជើងឯករងឆ្នាំ ២០២៣ ឈ្មោះ «សម្ដេចវិបុលបញ្ញាបារមីមានជ័យ» មកពីខេត្តតាកែវ ស្ថិតនៅខ្សែទឹកខាងក្រៅ៕
រូបភាព ៖ ទូកងកូនខ្មែរ
