ជារឿងដ៏គួរឱ្យសោកស្ដាយ និង សោកសង្រេងបំផុត ដែលតារាចម្រៀងរ៉េបដ៏មានប្រជាប្រិយភាព Ruthko បានលាចាកលោកក្នុងហេតុការណ៍គ្រោះថ្នាក់ចរាចរណ៍ កាលពីរាត្រីរំលងអធ្រាត្រឈានចូលថ្ងៃទី ០៦ ខែមករា ឆ្នាំ ២០២៥ ចំណុចច្រកចូលបុរីប៉េងហួត លើផ្លូវ ៦០ ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ បន្សល់នូវអនុស្សាវរីយ៍ និង ក្ដីសោកស្ដាយដល់មិត្តរួមអាជីព និង អ្នកគាំទ្រជាពន់ពេក។
បន្ទាប់ពីជួបនូវគ្រោះអកុសលនឹកស្មានមិនដល់ នៅថ្ងៃទី ០៦ ខែមករា ឆ្នាំ ២០២៥ នេះ តាមរយៈគណនីរបស់លោក Athika CG បានជូនដំណឹងពីកម្មវិធីបុណ្យសពរបស់លោក ដាវិឌ ប្ញទ្ធិរុទ្រ ហៅ Ruthko ដែលមរណភាពនៅថ្ងៃទី ០៦ ខែមករា ឆ្នាំ ២០២៥ នឹងត្រូវអញ្ជើញសពចូលផ្ទះថ្មី នៅថ្ងៃទី ០៦ ខែមករា ឆ្នាំ ២០២៥ វេលាម៉ោង ២:០០ រសៀល។
ចំពោះការជូនដំណើរសពទៅកាន់ភូមិថ្មី នឹងត្រូវធ្វើឡើងនៅថ្ងៃទី ០៨ ខែមករា ឆ្នាំ ២០២៥ វេលាម៉ោង ០៣:០០ រសៀល នៅវត្តចាក់អង្រែក្រោម ខណៈសពនឹងត្រូវបញ្ចុះ ឬ បូជា នៅថ្ងៃទី ០៨ ខែមករា ឆ្នាំ ២០២៥ វេលាម៉ោង ៣:៣០ នាទីរសៀល៕
