នៅថ្ងៃទី ២២ ខែមករា ឆ្នាំ ២០២៥ តាមរយៈ Cambodia Angkor Air បានជូនដំណឹងឱ្យដឹងថា ក្រុមហ៊ុនអាកាសចរណ៍ជាតិកម្ពុជា ចែកសំបុត្រឥតគិតថ្លៃចំនួន ២០២៥ សំបុត្រដោយមិនគិតថ្លៃ។
ក្នុងនោះក្រុមហ៊ុនបានឱ្យដឹងថា ក្នុងនាមអាកាសចរណ៍ជាតិ ក្រុមហ៊ុនមានក្តីសោមនស្សរីករាយក្នុងការផ្តល់ជូនបទពិសោធថ្មីតាមរយៈការធ្វើដំណើរតាមផ្លូវអាកាសដល់និសិ្សតកម្ពុជាគ្រប់រូប ចាប់ពីថ្នាក់បរិញ្ញាបត្ររងរហូតដល់ថ្នាក់អនុបណ្ឌិត ខណៈដើម្បីទទួលបានសំបុត្រឥតគិតថ្លៃ និសិ្សតទាំងអស់គ្រាន់តែធ្វើតាមការណែនាំដូចខាងក្រោម៖
១. ទៅកាន់ស្នាក់ការកណ្តាលរបស់ក្រុមហ៊ុនអាកាសចរណ៍ជាតិកម្ពុជា នៅអគារលេខ ២០៦អា មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន
២. សូមភ្ជាប់ជាមួយនឹងឯកសារយោងដូចជា កាតសិស្ស និងអត្តសញ្ញាបណ្ណ ឬលិខិតឆ្លងដែន
៣. Follow Facebook Page របស់ ក្រុមហ៊ុនអាកាសចរណ៍ជាតិកម្ពុជា
៤. Like និង Share ផុសជាសាធារណៈ និង mentions មិត្តភក្ដ័ចំនួន ៥ នាក់រួចភ្ជាប់ជាមួយ screenshot ក្នុង comment។
ចំពោះការចែកលើកទីមួយ គឺធ្វើឡើងចាប់ពីថ្ងៃទី ២២ ដល់ ២៤ ខែមករា ឆ្នាំ ២០២៥ ចំនួន ២៥០ សំបុត្រ ។ អ្នកទៅមុនបានមុន ធ្វើដំណើរបានភ្លាមៗ។ ក្នុងនោះក្រុមហ៊ុនអាកាសចរណ៍ជាតិកម្ពុជាសុំធ្វើការរក្សាសិទ្ធិក្នុងការផ្លាស់ប្ដូរលក្ខខណ្ឌផ្សេងៗដោយមិនជម្រាបទុកមុន៕
