ធ្មេចបើកៗ ពិធីបុណ្យចូលឆ្នាំប្រពៃណីជាតិខ្មែរ នឹងមកដល់នៅពាក់កណ្តាលខែមេសា ឆ្នាំ ២០២៥ ដោយមានរយៈពេល ៣ ថ្ងៃ ចាប់ពីថ្ងៃទី ១៤ ដល់ថ្ងៃទី ១៦ ខែមេសា ឆ្នាំ ២០២៥ ខាងមុខនេះ។
ជាក់ស្តែង ក្រឡេកទៅមើលអ្នកនិយមស្តាប់បទចម្រៀងបែបកម្សាន្ត និង ប្រពៃណី នាឱកាសពិធីបុណ្យចូលឆ្នាំនេះ ក៏បានសង្កេតឃើញមានបណ្តាផលិតកម្មធំៗ និង តារាប្រុសស្រីមួយចំនួនបានបញ្ចេញចម្រៀងជាបន្តបន្ទាប់ ដើម្បីអបអរឱកាសបុណ្យចូលឆ្នាំខ្មែរដែរ។
ក្នុងនោះរួមមាន ផលិតកម្មរស្មី ហង្សមាស, ផលិតកម្ម ថោន និង ផលិតកម្ម ហ្គាឡាក់ស៊ី ណាវ៉ាត្រា។ លើសពីនោះ ក៏មានកញ្ញា រ៉ាប៊ី និង លោក នីកូ ដែលបានបញ្ចេញចម្រៀងបែបរាំកម្សាន្តផងដែរ៕
