និយាយពីស្រីស្អាត អាង សុជាតា អាចចាត់ទុកជាតារាសម្ដែងស្រីវ័យក្មេងមួយរូបមានប្រជាប្រិយភាពខ្លាំងក្នុងវិស័យសិល្បៈ ដែលទទួលបានទីផ្សារខ្ពស់លើផ្នែកសម្ដែងភាពយន្ត ឆក់បានការស្រឡាញ់គាំទ្រខ្លាំងពីមហាជនយុវវ័យគ្រប់ស្រទាប់ជាមួយនឹងទេពកោលស្យដ៏ពូកែរបស់នាងក្នុងវិស័យនេះ។
លើសពីនេះ ក្រៅពីសម្ដែងដ៏មានសមត្ថភាព តារាស្រី អាង សុជាតា ក៏ឆក់បានឱកាសក្លាយជាអ្នកតំណាងផលិតផលប្រ៊េនធំៗនៅក្នុងស្រុកជាច្រើនផងដែរ។
ស្របពេលកំពុងជោគជ័យ និង មានកេរ្តិ៍ឈ្មោះកាន់តែល្បីនោះ ក្រឡេកទៅមើលជីវិតឯកជនរបស់តារាសម្ដែងវ័យក្មេងរូបនេះ វិញ ក៏កំពុងតែចាយជីវិតយ៉ាងហាយសូរ ថែមទាំងមានលទ្ធភាពអាចទិញរបស់ទេព្យចេញពីកម្លាំងញើសឈាមខ្លួនឯង ដើរកម្សាន្តផ្សេងៗ រស់នៅក្នុងជីវិតយ៉ាងរីករាយ និង ក្ដីសុខជាមួយអ្នកម្ដាយជាទីស្រឡាញ់។
ជាក់ស្ដែង ថ្មីៗនេះ តារាសម្ដែងវ័យក្មេង អាង សុជាតា កាន់តែធ្វើឱ្យមហាជនអ្នកគាំទ្រចាប់អារម្មណ៍លើជីវិតឯកជនរបស់នាង ខណៈបានឃើញនាងបង្ហោះស្វាគមន៍រថយន្តថ្មីសន្លាងមួយគ្រឿង ដែលទើបចាយលុយរាប់ម៉ឺនទិញថ្មី បង្ហាញភាពជោគជ័យហាយសូរក្នុងវ័យជិត ២១ ឆ្នាំនេះ៕
