សារព័ត៌មាន Khaosod បានរាយការណ៍ឱ្យដឹងពីករណីផ្ទុះកាំភ្លើងធំមួយ នៅខណៈការបាញ់អបអរទិវាកងកម្លាំងប្រដាប់អាវុធរបស់ថៃ ដែលបណ្តាលឱ្យទាហានចំនួន ២ នាក់បានរងរបួសធ្ងន់ធ្ងរ។
ហេតុការណ៍ខាងលើ បានកើតឡើងកាលពីថ្ងៃទី ១៨ ខែមករា ឆ្នាំ ២០២៥ កន្លងទៅនេះ ដែលជាថ្ងៃទិវាកងកម្លាំងប្រដាប់អាវុធរបស់ថៃ។ តាមព័ត៌មានបានឱ្យដឹងថា ក្នុងនោះមានការបាញ់កាំភ្លើងធំចំនួន ២១ គ្រាប់ ដើម្បីអបអរទិវានេះ តែចៃដន្យអីខណៈទើបតែបាញ់បាន ១៧ គ្រាប់ ស្រាប់តែកាំភ្លើងធំមួយគ្រឿងបានផ្ទុះ ដែលបណ្តាលឱ្យទាហានចំនួន ២ នាក់បានរងរបួសធ្ងន់ធ្ងរ ដោយមានម្នាក់បានសន្លប់បាត់ស្មារតី និង ម្នាក់ទៀតរងរបួសដាច់ដៃ។
យ៉ាងណាមិញ ទាហានទាំង ២ រូប ត្រូវបានគេបញ្ជូនទៅសង្រ្គោះនៅមន្ទីរពេទ្យ ហើយចំពោះមូលហេតុនៃការផ្ទុះអាវុធនេះនឹងត្រូវបានមន្ត្រីជំនាញនាយកដ្ឋានអាវុធហត្ថធ្វើការស៊ើបអង្កេតជាបន្ត៕
ប្រភព៖ Khaosod
