បើនិយាយដល់អ្នកបង្កើតមាតិកាហ្វេសប៊ុកល្បីៗនៅកម្ពុជាដែលជាជនជាតិបរទេស មហាជនអ្នកគាំទ្រភាគច្រើនច្បាស់ជានឹកឃើញដល់កំលោះសង្ហាជនជាតិចិនលោក សុភ័ក្រ្ត និង ស្រីស្អាតជនជាតិកូរ៉េ ហៅនារីកូរ៉េ ហើយ ដែលកន្លងមកអ្នកបង្កើតមាតិកាទាំងពីររូបនេះ តែងឆក់បានការចាប់អារម្មណ៍ពីមហាជនអ្នកគាំទ្រកម្ពុជាលើបណ្ដាញសង្គម ជាមួយនឹងការបង្ហោះផ្សេងៗលើហ្វេសប៊ុកផេក។
ចំពោះការបង្ហោះទាំងនោះ ភាគច្រើនទាក់ទងនឹងសកម្មភាពការងារផ្សេងៗលើទឹកដីកម្ពុជា ក៏ដូចជារូបភាព និង វីដេអូលើកបង្ហាញពីទំហំចិត្តនៃក្ដីស្រឡាញ់ចំពោះភាសាខ្មែរ វប្បធម៌ ប្រវត្តិសាស្រ្តរបស់កម្ពុជាយ៉ាងគួរឱ្យសរសើរ ជាពិសេសអ្នកទាំងពីរបានចាត់ទុកកម្ពុជាប្រៀបដូចជាផ្ទះទី ២ ក្រោយពីមករស់នៅជាច្រើនឆ្នាំ។
លើសពីនេះ រាល់ការបង្ហោះរបស់ សុភ័ក្រ្ត និង នារីកូរ៉េ តែងធ្វើឱ្យមហាជនកម្ពុជាចែករំលែកដោយក្ដីពេញចិត្ត និង សរសើរខ្លាំងចំពោះអ្នកទាំងពីរ ដែលក្នុងនាមជាជនបរទេស មានទឹកចិត្តស្រឡាញ់ និង តែងជួយផ្សព្វផ្សាយពីប្រទេសកម្ពុជាទៅកាន់ពិភពលោក។
១. នារីកូរ៉េ
២. សុភ័ក្រ្ត
